નવું ટીવી ખરીદ્યા પછી ઘણા લોકો તેને તરત જ દિવાલ પર લગાવી દે છે. પરંતુ તેના કેટલાક ગેરફાયદા પણ છે. દિવાલ પર ટીવી માઉન્ટ કરતાં પહેલાં આ 4 બાબતો ધ્યાનમાં રાખવી જરૂરી છે.
પહેલો ગેરફાયદો છે કેબલ અને પોર્ટ્સ સાથે જોડાયેલો. મોટાભાગના ટીવીમાં પોર્ટ્સ પાછળ હોય છે. દિવાલ અને ટીવી વચ્ચે જગ્યા ન હોવાથી HDMI, USB જેવા કેબલ લગાવવા કે બદલવામાં મુશ્કેલી થાય છે. લટકતા વાયરો રૂમનો દેખાવ પણ બગાડે છે.
બીજી સમસ્યા છે રૂમનું લેઆઉટ બદલી ન શકવાની. દિવાલ પર લાગેલું ટીવી કાયમી જગ્યાએ સ્થિર થઈ જાય છે. જો તમારે ફર્નિચર બદલવું હોય કે ટીવી બીજી દિવાલ પર ખસેડવું હોય, તો જૂની દિવાલ પર ડ્રિલિંગના કાણાં દેખાય છે.
ત્રીજી તકલીફ એ છે કે સામાન્ય માઉન્ટથી ટીવીની ઊંચાઈ કે એંગલ બદલી શકાતા નથી. ખોટા એંગલને કારણે ગરદન અને આંખમાં દુખાવો થઈ શકે છે. ફ્લેક્સિબલ માઉન્ટ ખરીદવા હોય તો વધુ ખર્ચ કરવો પડે છે.
ચોથી સમસ્યા છે રિપેર અને સફાઈની. ટીવીની પાછળ ધૂળ જમા થાય તો સાફ કરવી મુશ્કેલ છે. જો કોઈ પોર્ટ કે વાયરમાં ખામી આવે તો ટીવી વારંવાર ઉતારવું પડે છે, જેનાથી પેનલને નુકસાન થવાનું જોખમ રહે છે.
ટેબલ પર રાખી શકાય તેવા VESA સ્ટેન્ડ અથવા પૈડાંવાળા ફ્લોર સ્ટેન્ડમાં આ સમસ્યાઓ નથી. તેમાં કેબલ મેનેજમેન્ટ, ઊંચાઈ એડજસ્ટમેન્ટ અને ટીવી ફેરવવાની સુવિધા હોય છે. વ્હીલ સ્ટેન્ડથી ટીવી એક રૂમમાંથી બીજા રૂમમાં લઈ જઈ શકાય છે. જો દિવાલ પર જ લગાવવું હોય, તો સસ્તા માઉન્ટને બદલે સારો ફુલ-મોશન વોલ માઉન્ટ પસંદ કરવો વધુ સારો છે.