અમેરિકામાં 3 નવેમ્બરે મિડટર્મ ચૂંટણી યોજાઈ રહી છે. આ ચૂંટણી રાષ્ટ્રપતિ પદ માટે નથી, પરંતુ અમેરિકન સંસદ (કોંગ્રેસ)ની 435 બેઠકો અને સેનેટની 100માંથી 34 બેઠકો માટે છે. હાલમાં રિપબ્લિકન પાર્ટી પાસે 219 અને ડેમોક્રેટ્સ પાસે 214 બેઠકો છે. આ ચૂંટણીનું પરિણામ અમેરિકાની આંતરિક અને વિદેશ નીતિ પર અસર કરશે, જેની ભારત પર પણ અસર પડશે.
અમેરિકન બંધારણમાં ચેક્સ એન્ડ બેલેન્સિસની વ્યવસ્થા છે. રાષ્ટ્રપતિ વહીવટી આદેશો દ્વારા કામ કરી શકે છે, પરંતુ તેને કાયમી કાયદો બનાવવા માટે કોંગ્રેસની મંજૂરી જરૂરી છે. ટ્રમ્પે H-1B વિઝા પર $100,000ની ફી લાદી હતી, પરંતુ જૂન 2026માં ફેડરલ કોર્ટે તેને ગેરકાયદેસર ઠેરવી. આવા નિર્ણયોને કારણે ટ્રમ્પને કોંગ્રેસ પર નિયંત્રણ જરૂરી લાગે છે.
જો ડેમોક્રેટ્સ કોંગ્રેસ પર કબજો જમાવે તો ટ્રમ્પના વિદેશ નીતિ, ટેરિફ અને વિઝા નિયમો પર અસર પડી શકે છે. ભારતીય વિદ્યાર્થીઓ, ટેક કંપનીઓ અને ઉદ્યોગપતિઓ માટે આ ચૂંટણી મહત્ત્વની છે. ભારતમાંથી અમેરિકા જતા યુવાનો અને ઉદ્યોગો પર તેની સીધી અસર થશે.
અમેરિકાની તિજોરી પર કોંગ્રેસનો નિયંત્રણ છે. સરકારી ખર્ચ માટે કોંગ્રેસની મંજૂરી જરૂરી છે. 2025માં હેલ્થકેર સબસિડીને લઈને સરકારી શટડાઉન થયું હતું. 2027માં દેવાની મર્યાદા પૂરી થવાની છે. જો ડેમોક્રેટ્સ જીતે તો ટ્રમ્પની આર્થિક નીતિઓ પર અવરોધ આવી શકે છે.
આ ચૂંટણીના પરિણામ ભારત માટે પણ મહત્ત્વપૂર્ણ છે. અમેરિકા-ભારત વચ્ચેના વેપાર, ટેકનોલોજી અને ઇમિગ્રેશન સંબંધો પર તેની અસર પડશે. ભારતીયોમાં આ ચૂંટણી વિશે ઉત્સુકતા છે, ગૂગલ પર સર્ચમાં પણ વધારો થયો છે.