મધ્ય પૂર્વમાં અમેરિકા અને ઈરાન વચ્ચે તણાવ વચ્ચે અમેરિકી વાયુસેનાનાં F-16 લડાકુ વિમાનો દરિયાઈ વિસ્તારોમાં પેટ્રોલિંગ કરી રહ્યાં છે. અમેરિકી સેન્ટ્રલ કમાન્ડ (CENTCOM)ના જણાવ્યા અનુસાર, અમેરિકી સૈન્યની સુરક્ષા હેઠળ સ્ટ્રેટ ઑફ હોર્મુઝમાંથી 1.7 અબજ બેરલથી વધુ ક્રૂડ ઓઇલનું પરિવહન કરવામાં આવ્યું છે.
આ પગલું મધ્ય પૂર્વમાં વધતા તણાવને પગલે લેવામાં આવ્યું છે. હોર્મુઝ સ્ટ્રેટ વિશ્વના સૌથી મહત્વપૂર્ણ તેલ પરિવહન માર્ગોમાંનો એક છે, અને અહીંથી મોટા પ્રમાણમાં ક્રૂડ ઓઇલની નિકાસ થાય છે. અમેરિકી સેનાની હાજરી દરિયાઈ માર્ગની સુરક્ષા સુનિશ્ચિત કરવા માટે છે.