મુંબઈ: અભિનેતા ટાઈગર શ્રોફને નિશાન બનાવીને થયેલા ગોળીબારના કેસમાં મુંબઈની કિલ્લા કોર્ટમાં સુનાવણી ચાલી રહી છે. પોલીસે કોર્ટને જણાવ્યું છે કે આરોપીઓએ પોતાના મોબાઇલ ફોન નષ્ટ કરી નાખ્યા છે. આ પાછળ મોટું કાવતરું હોઈ શકે છે, તેથી પોલીસે આરોપીઓની 14 દિવસની કસ્ટડી માગી છે.
હાલના અહેવાલ મુજબ, ત્રણેય આરોપીઓને 31 ઓક્ટોબર સુધી પોલીસ કસ્ટડીમાં મોકલી દેવામાં આવ્યા છે.
પોલીસે કોર્ટમાં જણાવ્યું કે આ હુમલામાં લોરેન્સ બિશ્નોઈ ગેંગનો હાથ છે. ગેંગના માસ્ટરમાઇન્ડ અનિલ પંડિતનું નામ પણ સામે આવ્યું છે.
આરોપીઓ સામે આર્મ્સ એક્ટ હેઠળ ગુનો નોંધવામાં આવ્યો છે. તેમના પર હત્યાના પ્રયાસનો પણ આરોપ છે અને નોન-બેલેબલ સેક્શન લાગ્યા છે.
પોલીસે કોર્ટને જણાવ્યું કે ત્રણ આરોપીઓ ઉપરાંત અન્ય પાંચ આરોપીઓની ધરપકડ કરવામાં આવી છે.