ટાટા મોટર્સે તેની લોકપ્રિય એસયુવી સિએરાની નવી 'લિજેન્ડ સીરીઝ' ભારતમાં લોન્ચ કરી છે. આ નવી સીરીઝમાં ગ્રાહકોને પ્રીમિયમ લુક અને વધારે સુવિધાઓ મળશે. તેની શરૂઆતની એક્સ-શોરૂમ કિંમત ₹11.99 લાખ છે. આવો જાણીએ તેની વિગતવાર વિશેષતાઓ.
વેરિઅન્ટ્સ અને ફીચર્સ
લિજેન્ડ સીરીઝ બજારમાં પહેલેથી વેચાતી સ્ટાન્ડર્ડ સિએરા સાથે જ ઉપલબ્ધ રહેશે. તેમાં Smart+ L, Pure L, Pure L(O), Pure+ L અને Adventure+ L એમ પાંચ ટ્રિમ્સ છે. દરેક ટ્રિમ તેના નીચલા વેરિઅન્ટના ફીચર્સ જાળવી રાખે છે અને તેમાં આરામ તથા સુવિધાનો એક વધારાનો સ્તર ઉમેરે છે. આને કારણે ગ્રાહકો માટે થોડા વધારે બજેટમાં વધુ સારા ફીચર્સ ધરાવતા વેરિઅન્ટ પર અપગ્રેડ કરવું સરળ બની જાય છે.
કલર ઓપ્શન્સ
લિજેન્ડ સીરીઝમાં Pristine White, Pure Grey અને Coorg Clouds જેવા પ્રીમિયમ કલર્સ ઓફર કરવામાં આવ્યા છે. Munnar Myst કલર Pure L વેરિઅન્ટથી શરૂ થાય છે, જ્યારે Bengal Rouge (ટિંટેડ) અને અંડમાન એડવેન્ચર કલર ટોપ Pure+ L અને Adventure+ L વેરિઅન્ટ્સમાં મળશે.
Smart+ L (બેઝ વેરિઅન્ટ)
આ શરૂઆતના મોડલમાં જ લેધર ફિનિશ સીટ્સ, દરવાજા પર લેધર ટ્રિમ અને આર્મરેસ્ટ, સ્ટીયરિંગ માઉન્ટેડ કંટ્રોલ, ઓટો-ફોલ્ડિંગ ORVMs, 17-ઇંચ સ્ટીલ વ્હીલ (ફૂલ કવર સાથે) અને રૂફ રેલ્સ જેવી સુવિધાઓ મળે છે. સુરક્ષા માટે આખી સીરીઝમાં છ એરબેગ, ઇલેક્ટ્રોનિક સ્ટેબિલિટી પ્રોગ્રામ (ESP), ચારેય પહિયાં પર ડિસ્ક બ્રેક અને ઓટો હોલ્ડ સાથે ઇલેક્ટ્રોનિક પાર્કિંગ બ્રેક સ્ટાન્ડર્ડ છે.
Pure L
આ વેરિઅન્ટમાં ઉપરોક્ત ફીચર્સ ઉપરાંત ટચસ્ક્રીન ઇન્ફોટેનમેન્ટ સિસ્ટમ, 8-સ્પીકર સાઉન્ડ સિસ્ટમ, વાયરલેસ એન્ડ્રોઇડ ઓટો અને એપલ કારપ્લે, ગાઇડલાઇન સાથે રિયર પાર્કિંગ કેમેરા, ક્રૂઝ કંટ્રોલ, ડ્રાઇવ મોડ્સ, હિલ ડિસેન્ટ કંટ્રોલ, TPMS, 17-ઇંચ એલોય વ્હીલ્સ અને રિયર વોશ-વાઇપર ઉમેરવામાં આવ્યા છે.
Pure+ L (પ્રીમિયમ વેરિઅન્ટ)
આ વેરિઅન્ટમાં કેબિનમાં સંપૂર્ણ લેધર ટ્રીટમેન્ટ મળે છે. ઉપરાંત ડ્રાઇવરની સીટ 6-વે પાવર એડજસ્ટેબલ (થાઇ સપોર્ટ એક્સટેન્ડર સાથે), પાછળની મુસાફરી માટે 'બોસ મોડ', ડ્યુઅલ ઝોન ઓટોમેટિક ક્લાઇમેટ કંટ્રોલ, વન-ટચ એન્ટી-પિંચ વિન્ડો, પાછળની રોમાં USB-C ચાર્જર અને અન્ય ઉપયોગી ફીચર્સ આપવામાં આવ્યા છે.
Adventure+ L (ટોપ વેરિઅન્ટ)
આ સીરીઝનું સૌથી પ્રીમિયમ વેરિઅન્ટ છે. તેમાં 360-ડિગ્રી HD સરાઉન્ડ વ્યૂ કેમેરા (4Sight બ્લાઇન્ડ સ્પોટ મોનિટર સાથે), ફ્રન્ટ પાર્કિંગ સેન્સર, કોર્નરિંગ ફંક્શન સાથે LED ફોગ લેમ્પ, 'સુપરગ્લાઇડ' સસ્પેન્શન, નોર્મલ/વેટ/રફ ટેરેન મોડ્સ, મોટી ડિજિટલ સ્ક્રીન, પાછળની સીટ માટે ટુ-સ્ટેજ રિક્લાઇનિંગ, રિયર આર્મરેસ્ટ, મૂડ લાઇટિંગ, કૂલ્ડ ગ્લવબોક્સ અને વાયરલેસ ફોન ચાર્જિંગ જેવી સુવિધાઓ મળે છે.
એન્જિન અને પાવરટ્રેન
લિજેન્ડ સીરીઝમાં એન્જિન અને પાવરમાં કોઈ ફેરફાર કરવામાં આવ્યો નથી. આ કાર પહેલાની જેમ ત્રણ એન્જિન ઓપ્શન સાથે વેચાશે. જેમાં હાઇપેરિયન 1.5L TGDI ટર્બો-પેટ્રોલ એન્જિન મુખ્ય છે. ટ્રાન્સમિશન માટે 6-સ્પીડ મેન્યુઅલ (6MT), 6-સ્પીડ ઓટોમેટિક (6AT) અને 7-સ્પીડ ડ્યુઅલ-ક્લચ ઓટોમેટિક (7DCA) વિકલ્પો વેરિઅન્ટના આધારે મળશે.