ભારતીય ક્રિકેટ ટીમના પૂર્વ કેપ્ટન સૂર્યકુમાર યાદવે શુક્રવારે દિલ્હીમાં વડાપ્રધાન નરેન્દ્ર મોદી સાથે મુલાકાત કરી હતી. તેઓ પોતાના પરિવાર સાથે પ્રધાનમંત્રીને મળવા પહોંચ્યા હતા. આ મુલાકાતમાં સૂર્યકુમારની પત્ની દેવિશા શેટ્ટી અને પુત્રી રિદ્ધિમા પણ ઉપસ્થિત રહ્યાં હતાં.
મુલાકાત દરમિયાન વડાપ્રધાન મોદીએ સૂર્યકુમાર સાથે આવેલા બાળકો સાથે સમય વિતાવ્યો હતો. આ દરમિયાન એક બાળકીએ ભજન ગાઈને સંભળાવ્યું હતું. બાળકીનું ભજન સાંભળીને પ્રધાનમંત્રી ખૂબ ઉત્સાહિત થયા હતા અને તેમણે તાળી પાડીને બાળકીનો જુસ્સો વધાર્યો હતો.
સૂર્યકુમાર યાદવે આ મુલાકાત દરમિયાન T-20 વર્લ્ડ કપમાં ભારતની જીતનો ગોલ્ડ મેડલ પહેર્યો હતો. પ્રધાનમંત્રી મોદીએ આ મેડલ હાથમાં લઈને નિહાળ્યો હતો.
પીએમ મોદીએ આ મુલાકાતનો એક વીડિયો પોતાના X હેન્ડલ પર શેર કર્યો છે. તેમણે લખ્યું છે કે દિવાળીના માહોલમાં રામ અને સરયુનું આગમન થયું છે, જેનાથી દિવાળીનું વાતાવરણ વધુ પવિત્ર અને દિવ્ય બન્યું છે.