સુરતના ઓલપાડ તાલુકાના કુડસદ ગામ નજીક એક ભયાનક માર્ગ અકસ્માત સર્જાયો છે. બ્રિજ પરથી પસાર થઈ રહેલા બાઇક પર સવાર ચાર મિત્રો ચાલકનું સંતુલન ગુમાવતાં અંદાજે 50 ફૂટ નીચે પટકાયા હતા. આ ઘટનામાં ત્રણ યુવકોના મોત નીપજ્યા છે, જ્યારે એક યુવકની હાલત ગંભીર હોવાનું જાણવા મળે છે.
પ્રાપ્ત માહિતી અનુસાર, અકસ્માત રાત્રિના સમયે થયો હતો. ચારેય મિત્રો એક જ બાઇક પર જઈ રહ્યા હતા ત્યારે ચાલકે અચાનક વાહન પરનો કાબૂ ગુમાવ્યો અને બાઇક બ્રિજ પરથી નીચે ખાબક્યું. ઘટનાસ્થળે જ એક યુવકનું મોત થયું હતું, જ્યારે બે અન્ય યુવકોનું સારવાર દરમિયાન મોત નીપજ્યું હતું. ચોથા યુવકની હાલત ગંભીર બતાવવામાં આવી રહી છે.
અકસ્માતની જાણ થતાં જ સ્થાનિક લોકોની ભીડ એકઠી થઈ ગઈ હતી. સ્થાનિકોએ તાત્કાલિક 108 એમ્બ્યુલન્સ અને પોલીસને જાણ કરી હતી. લોહીલુહાણ હાલતમાં મળેલા યુવકોને હોસ્પિટલમાં ખસેડવામાં આવ્યા હતા, જ્યાં ત્રણને મૃત જાહેર કરવામાં આવ્યા હતા. પોલીસે ઘટનાની તપાસ શરૂ કરી છે.