જો તમે શેરબજારમાં નિયમિત રોકાણ કે ટ્રેડિંગ કરો છો, તો આ સમાચાર તમારા માટે ઉપયોગી છે. આવનારા દિવસોમાં ભારતીય શેરબજાર સળંગ ત્રણ દિવસ બંધ રહેશે. આ દિવસોમાં બોમ્બે સ્ટોક એક્સચેન્જ (BSE) અને નેશનલ સ્ટોક એક્સચેન્જ (NSE) પર ટ્રેડિંગ થશે નહીં.
આગામી સપ્તાહે શુક્રવારથી રવિવાર સુધી બજારમાં રજા રહેશે. જેથી રોકાણકારો અને ટ્રેડરો માટે આ દિવસોમાં બજારની ગતિવિધિ થંભી જશે.
શેરબજાર કેમ બંધ રહેશે?
સળંગ ત્રણ દિવસની રજા પાછળ એક રાષ્ટ્રીય તહેવાર અને સપ્તાહના અંતની નિયમિત રજાઓ કારણભૂત છે:
2 ઓક્ટોબર (શુક્રવાર): આ દિવસે દેશભરમાં મહાત્મા ગાંધીજીની જન્મજયંતિ એટલે કે ગાંધી જયંતી ઉજવાય છે. ગાંધી જયંતી રાષ્ટ્રીય અને જાહેર રજા હોવાથી શેરબજાર સંપૂર્ણપણે બંધ રહેશે.
3 ઓક્ટોબર (શનિવાર) અને 4 ઓક્ટોબર (રવિવાર): શેરબજાર તેના નિયમિત સમયપત્રક મુજબ દર શનિવાર અને રવિવારે બંધ રહે છે.
આમ, શુક્રવારની જાહેર રજા અને ત્યારપછીના શનિ-રવિ મળીને 2થી 4 ઓક્ટોબર દરમિયાન બજારમાં સળંગ ત્રણ દિવસ ટ્રેડિંગ બંધ રહેશે.
આ સપ્તાહમાં માત્ર ચાર દિવસ ટ્રેડિંગ
2 ઓક્ટોબરે શુક્રવારની રજા હોવાથી ચાલુ સપ્તાહમાં રોકાણકારોને ટ્રેડિંગ માટે ફક્ત ચાર દિવસ (સોમવાર, 28 સપ્ટેમ્બરથી ગુરુવાર, 1 ઓક્ટોબર સુધી) મળશે. જોકે, આજનો સોમવાર પસાર થઈ ગયો છે.
સામાન્ય રીતે, ભારતીય શેરબજાર સોમવારથી શુક્રવાર સુધીના તમામ કાર્યકારી દિવસોમાં ખુલ્લું રહે છે. સવારે ટ્રેડિંગ શરૂ થાય છે અને સાંજે બંધ થાય છે. તેમજ રાષ્ટ્રીય તહેવારો અને અન્ય જાહેર રજાઓના દિવસે બજાર બંધ રહે છે.
ઓક્ટોબરની અન્ય રજાઓ
ઓક્ટોબર મહિનામાં 2 ઓક્ટોબરની ગાંધી જયંતી બાદ આગામી રજા 20 ઓક્ટોબર (મંગળવાર)ના રોજ છે. આ દિવસે દશેરાનો તહેવાર હોવાથી NSE અને BSEના હોલિડે કેલેન્ડર મુજબ બજાર બંધ રહેશે. આ સિવાય નવેમ્બર અને ડિસેમ્બરમાં દિવાળી અને નાતાલ જેવા મોટા તહેવારો પર પણ શેરબજારમાં ટ્રેડિંગ બંધ રહેશે.