મુંબઈ: અભિનેતા સિદ્ધાર્થ મલ્હોત્રાએ પોતાના પગમાં પ્લાસ્ટર સાથેની તસવીર સોશિયલ મીડિયા પર શેર કરી છે. આ તસવીરે ચાહકોને ચોંકાવી દીધા છે. પોતાના વેકેશનની તસવીરો શેર કર્યાના બીજા જ દિવસે તેમણે આ સ્ટોરી મૂકી.
સિદ્ધાર્થે રમૂજી અંદાજમાં લખ્યું, 'મેં બ્રેક અ લેગ કહેવતને ખૂબ ગંભીરતાથી લઈ લીધી.' અંગ્રેજીમાં 'બ્રેક અ લેગ' એટલે શુભેચ્છા આપવાનો શબ્દપ્રયોગ, પણ અહીં તેમણે પોતાના પગની ઈજા સાથે તેને જોડીને હળવી મજાક કરી છે.
તેમણે ઈજા ક્યાં અને કેવી રીતે થઈ તે અંગે કોઈ સ્પષ્ટતા કરી નથી. સાજા થવામાં કેટલો સમય લાગશે તેની માહિતી પણ તેમણે આપી નથી.
ઉલ્લેખનીય છે કે, બે દિવસ પહેલાં સિદ્ધાર્થ અને તેમની પત્ની કિઆરા અડવાણીએ બીજા બાળકની રાહ જોવાના સમાચાર ચાહકો સાથે શેર કર્યા હતા. ગઈકાલે બંને દંપતીએ વેકેશનની તસવીરો પણ શેર કરી હતી.
કારકિર્દીની વાત કરીએ તો, સિદ્ધાર્થની છેલ્લી ફિલ્મ 'ધ વન'ને પહેલા અઠવાડિયામાં ૫૩.૬૦ કરોડ રૂપિયાની કમાણી થઈ હતી, પણ બીજા અઠવાડિયામાં માત્ર ૧૨.૨૦ કરોડ રૂપિયા જ થયા હતા.