ભારતીય ક્રિકેટ ટીમના કેપ્ટન શુભમન ગિલને સપ્ટેમ્બર મહિનાના ICC પ્લેયર ઓફ ધ મંથ એવોર્ડ માટે પસંદ કરવામાં આવ્યા છે. આ સાથે તેમણે પાંચમી વખત આ સન્માન જીત્યું છે, જે ભારતીય પુરુષ ક્રિકેટરોમાં સૌથી વધુ છે.
ગિલને આ એવોર્ડ માટે તેમના બાળપણના મિત્ર અભિષેક શર્મા અને ઝિમ્બાબ્વેના ઓલરાઉન્ડર સિંકદર રજા સાથે સ્પર્ધા કરવી પડી હતી. ગિલે વેસ્ટ ઈન્ડિઝ વિરુદ્ધ વનડે શ્રેણીમાં બે મેચમાં 333 રન બનાવ્યા હતા, જેના આધારે તેમને આ સન્માન મળ્યું.
ICC દ્વારા પ્લેયર ઓફ ધ મંથ એવોર્ડ શરૂ કરાયો ત્યારથી અત્યાર સુધીમાં 11 ભારતીય પુરુષ ક્રિકેટરોએ આ એવોર્ડ જીત્યો છે. તેમાં શુભમન ગિલ સૌથી વધુ પાંચ વખત વિજેતા બન્યા છે. જસપ્રીત બુમરાહ અને શ્રેયસ અય્યરે બે-બે વખત આ એવોર્ડ જીત્યો છે. જ્યારે ઋષભ પંત, રવિચંદ્રન અશ્વિન, ભુવનેશ્વર કુમાર, વિરાટ કોહલી, યશસ્વી જ્યસ્વાલ, મોહમ્મદ સિરાજ, અભિષેક શર્મા અને સંજુ સેમસનને એક-એક વખત આ સન્માન મળ્યું છે.
મહિલા વર્ગમાં આ સન્માન ભારતની સ્ટાર ઓપનર શેફાલી વર્માએ મેળવ્યું છે. આમ, સપ્ટેમ્બર મહિનામાં પુરુષ અને મહિલા બંને શ્રેણીમાં ભારતીય ખેલાડીઓએ ICC પ્લેયર ઓફ ધ મંથ એવોર્ડ જીત્યો છે.