આજે 7 ઓક્ટોબરે શેરબજારમાં ઘટાડો જોવા મળી રહ્યો છે. સેન્સેક્સ 400થી વધુ પોઈન્ટના ઘટાડા સાથે 72,600 પર કારોબાર કરી રહ્યો છે. જ્યારે નિફ્ટી પણ લગભગ 150 પોઈન્ટ નીચે 22,600ના સ્તરે કારોબાર કરી રહ્યો છે.
આજના ઘટાડામાં ઓટો, મેટલ અને કન્ઝ્યુમર ડ્યુરેબલ્સના શેરોમાં વધુ વેચવાલી જોવા મળી રહી છે.
એશિયાઈ બજારોમાં પણ આજે ઘટાડો નોંધાયો છે. દક્ષિણ કોરિયાનો કોસ્પી 62 પોઈન્ટ ઘટીને 6,885 પર, જાપાનનો નિક્કેઈ 610 પોઈન્ટ ઘટીને 70,074 પર અને હોંગકોંગનો હેંગસેંગ 156 પોઈન્ટ ઘટીને 24,124 પર બંધ થયો હતો.
જ્યારે અમેરિકન બજારમાં 6 ઓક્ટોબરે તેજી જોવા મળી હતી. ડાઉ જોન્સ 253 પોઈન્ટ વધીને 51,521 પર, નાસ્ડેક 123 પોઈન્ટ વધીને 27,600 પર અને S&P 500 45 પોઈન્ટ વધીને 7,819 પર બંધ થયો હતો.
વિદેશી રોકાણકારોએ (FII/FPI) છેલ્લા 7 દિવસમાં 2,961 કરોડ રૂપિયાના શેર વેચ્યા છે, જ્યારે છેલ્લા 30 દિવસમાં 17,145 કરોડ રૂપિયાના શેર વેચ્યા છે. સામે, સ્થાનિક સંસ્થાકીય રોકાણકારોએ (DII) છેલ્લા 7 દિવસમાં 5,089 કરોડ રૂપિયાના અને છેલ્લા 30 દિવસમાં 20,312 કરોડ રૂપિયાના શેર ખરીદ્યા છે. (નોંધ: FIIs અને DIIsની નેટ ખરીદી/વેચાણના આંકડા કરોડ રૂપિયામાં છે.)
આ પહેલાં ગઈકાલે એટલે કે 6 ઓક્ટોબરે શેરબજારમાં તેજી રહી હતી. સેન્સેક્સ 685 પોઈન્ટ વધીને 73,068 પર બંધ થયો હતો. નિફ્ટીમાં પણ 220 પોઈન્ટની તેજી રહી હતી અને તે 22,776 પર બંધ થયો હતો.