બોલિવૂડ અભિનેતા સંજય દત્ત અને તેમની પત્ની માન્યતા દત્તે ગણેશોત્સવ નિમિત્તે મુંબઈના પ્રખ્યાત લાલબાગચા રાજાના દર્શન કર્યા હતા. બંનેએ ગણપતિ બાપ્પાની મૂર્તિ સામે શીશ નમાવીને વિશેષ પૂજા-અર્ચના કરી હતી.
વીડિયોમાં સંજય દત્ત કપાળ પર મોટું તિલક લગાવીને પારંપરિક અંદાજમાં જોવા મળ્યા હતા. તેમની સાથે માન્યતા દત્ત પણ હાથ જોડીને ભક્તિભાવમાં લીન દેખાઈ હતી. બંનેએ પંડાલમાં હાજર પૂજારીઓ પાસેથી આશીર્વાદ લીધા હતા અને લાલબાગચા રાજાના ચરણોમાં પ્રાર્થના કરી હતી.
આ દરમિયાન સંજય દત્તે પોતાના કપાળ પર તિલક કર્યા બાદ પત્ની માન્યતાના માથા પર પણ તિલક લગાવીને માંગ ભરી હતી. આ ખાસ ક્ષણ કેમેરામાં કેદ થઈ હતી.