ન્યૂઝીલેન્ડ પ્રવાસ પર જવા પહેલાં ઋતુરાજ ગાયકવાડે રણજી ટ્રોફીમાં મહારાષ્ટ્ર માટે શાનદાર સદી ફટકારી છે. તે 7મા નંબરે બેટિંગ કરવા આવ્યો હતો અને 169 બોલમાં સદી પૂરી કરી હતી. ઇનિંગના અંતે તે 101 રન બનાવીને અણનમ રહ્યો હતો.
આ ફર્સ્ટ-ક્લાસ ક્રિકેટમાં ઋતુરાજની 10મી સદી હતી. તેણે પોતાની ઇનિંગમાં 103 ડોટ બોલ રમ્યા હતા, એટલે કે 103 બોલમાં એક પણ રન બનાવ્યો નહોતો. ધીમી શરૂઆત પછી તેણે સંયમ જાળવીને મોટી ઇનિંગ રમી હતી.
ઋતુરાજે અંકિત બાવને સાથે 329 બોલમાં 182 રનની ભાગીદારી કરી હતી. આ ભાગીદારીએ મહારાષ્ટ્રની ઇનિંગને મજબૂત આધાર આપ્યો હતો.
ઋતુરાજને ટૂંક સમયમાં ટીમ ઇન્ડિયા સાથે ન્યૂઝીલેન્ડ પ્રવાસે જવાનું છે. તેને એક દિવસીય શ્રેણી અને ઇન્ડિયા A શ્રેણી માટે ટીમ ઇન્ડિયામાં પસંદ કરવામાં આવ્યો છે. રણજી ટ્રોફીમાં આ પ્રદર્શન તેના ફોર્મને દર્શાવે છે.