ભારતીય ક્રિકેટ ટીમે ન્યુઝીલેન્ડ વિરુદ્ધ રમાયેલી પાંચ મેચની વનડે શ્રેણી 3-1થી જીતી લીધી છે. પરંતુ ટીમની આ સફળતા વચ્ચે ભારતીય ક્રિકેટના બે અનુભવી ખેલાડી રોહિત શર્મા અને વિરાટ કોહલી માટે આ પ્રવાસ નિરાશાજનક રહ્યો છે. બંને ખેલાડીઓ રન માટે સંઘર્ષ કરતા જોવા મળ્યા હતા.
હવે ચાહકોના મનમાં પ્રશ્ન છે કે તેમના મનીતા ખેલાડીઓ ભારતીય ટીમની જર્સીમાં ફરી ક્યારે જોવા મળશે. રોહિત શર્મા અને વિરાટ કોહલી હાલમાં માત્ર વનડે ફોર્મેટમાં જ રમે છે. ન્યુઝીલેન્ડ શ્રેણી પૂરી થયા બાદ બંને ખેલાડીઓ ભારત પરત ફરશે.
આગામી ડિસેમ્બર 2026માં ટીમ ઈન્ડિયા મલ્ટી-ફોર્મેટ શ્રેણી રમવા માટે ભારત પ્રવાસ પર આવશે. આ પ્રવાસની શરૂઆત 3 મેચની વનડે શ્રેણીથી થશે, જેની પ્રથમ મેચ 13 ડિસેમ્બરના રોજ વિશાખાપટ્ટનમમાં રમાશે. મૂળે આ મેચ દિલ્હીમાં યોજવાની હતી, પરંતુ પછી તેને વિશાખાપટ્ટનમ ખસેડવામાં આવી છે. આમ, વિરાટ કોહલી અને રોહિત શર્મા 13 ડિસેમ્બરે શ્રીલંકા સામે મેદાનમાં ઉતરતા જોવા મળશે.
ન્યુઝીલેન્ડ વિરુદ્ધની વનડે શ્રેણીમાં રોહિત શર્માએ ચાર ઇનિંગમાં 7.50ની સરેરાશથી માત્ર 30 રન બનાવ્યા હતા, જેમાં તે બે વખત ખાતું ખોલ્યા વિના આઉટ થયો હતો. વિરાટ કોહલીએ ચાર ઇનિંગમાં 86 રન બનાવ્યા હતા, જેમાં એક અડધી સદીનો સમાવેશ થાય છે. નોંધપાત્ર વાત એ છે કે આ શ્રેણીમાં અડધી સદી ફટકારનાર વિરાટ કોહલી એકમાત્ર ભારતીય બેટ્સમેન હતો.
હવે બંને ખેલાડીઓની નજર શ્રીલંકા વિરુદ્ધની આગામી શ્રેણીમાં ફોર્મમાં પુનરાગમન અને રનનો ઢગલો કરવા પર છે. ચાહકોને આશા છે કે ઘરઆંગણે રમાતી આ શ્રેણીમાં બંને દિગ્ગજ ખેલાડીઓ તેમનું શ્રેષ્ઠ પ્રદર્શન કરશે.