ભારત અને વેસ્ટ ઇન્ડીઝ વચ્ચેની ત્રીજી વન-ડે મેચમાં ભારતીય ટીમના કેપ્ટન રોહિત શર્માએ ઓપનર તરીકે 10,000 રન પૂરા કર્યા છે. આ સિદ્ધિ મેળવનારા તે વિશ્વના ચોથા બેટ્સમેન છે. તેમના પહેલા સચિન તેંડુલકર (15,310 રન), સનથ જયસૂર્યા (12,740 રન) અને ક્રિસ ગેલ (10,179 રન) આ મુકામ સુધી પહોંચ્યા છે. રોહિતે 202મી ઇનિંગ્સમાં આ આંકડો પૂરો કર્યો અને આ સિદ્ધિ સૌથી ઝડપી હાંસલ કરનારા બેટર બન્યા.
ટોસ જીતીને પ્રથમ બેટિંગ કરવાનો નિર્ણય લેનાર ભારત માટે શરૂઆત નિરાશાજનક રહી. ત્રીજી ઓવરમાં જ વેસ્ટ ઇન્ડીઝના બોલર જેયડન સીલ્સે ભારતને બે મોટા ઝટકા આપ્યા. પહેલા તેમણે કેપ્ટન શુભમન ગિલને 1 રન પર આઉટ કર્યો અને ત્યારબાદ વિરાટ કોહલીને પહેલા જ બોલ પર બોલ્ડ કરી દીધો. કોહલી ખાતું પણ ખોલાવી શક્યો નહીં.
14 ઓવર પછી ભારતનો સ્કોર 63 રન પર 2 વિકેટ હતો. ઋતુરાજ ગાયકવાડ 30 બોલમાં 22 રન અને રોહિત શર્મા 47 બોલમાં 31 રન બનાવીને ક્રિઝ પર રમી રહ્યા હતા. ઋતુરાજને ઇનિંગ્સ દરમિયાન ત્રણ વાર જીવનદાન મળ્યું. 13.6 ઓવર પછી બોલમાં સમસ્યા આવતાં અમ્પાયરોએ ડ્રિંક્સ બ્રેક લીધો.
વેસ્ટ ઇન્ડીઝે પાંચમી ઓવરમાં રોહિત શર્મા સામે એલબીડબલ્યુ માટે રિવ્યૂ લીધો, પરંતુ બોલ સ્ટમ્પની બહાર જતો હોવાથી નિર્ણય યથાવત્ રહ્યો. આ સિવાય ચોથી ઓવરમાં રોહિતે જેયડન સીલ્સના બોલ પર ઇનિંગ્સનો પહેલો ચોગ્ગો ફટકાર્યો. 8.4 ઓવરમાં રોહિતને એલબીડબલ્યુ આઉટ આપવામાં આવ્યો, પરંતુ બોલ-ટ્રેકિંગમાં ઇમ્પેક્ટ લેગ સ્ટમ્પની બહાર હોવાથી નિર્ણય બદલાયો.
ભારતની પ્લેઇંગ-11માં નીતિશ રેડ્ડી અને મોહમ્મદ સિરાજની વાપસી થઈ છે, જ્યારે અંશુલ કંબોજે આજે વન-ડેમાં ડેબ્યૂ કર્યું છે.