રાજકોટમાં યોજાયેલા લોકમેળામાં રાઈડ્સની સલામતીને ધ્યાનમાં રાખીને તંત્ર દ્વારા SOP (સ્ટાન્ડર્ડ ઓપરેટિંગ પ્રોસિજર)નું કડક પાલન કરાવવામાં આવી રહ્યું છે. મેળામાં ઉભી કરાયેલી કુલ 34 રાઈડ્સમાંથી અત્યાર સુધીમાં માત્ર 8 રાઈડ્સને જ મંજૂરી આપવામાં આવી છે, જ્યારે બાકીની રાઈડ્સને SOPનું પાલન પૂર્ણ કર્યા બાદ જ મંજૂરી આપવામાં આવશે તેમ તંત્ર દ્વારા સ્પષ્ટ કરવામાં આવ્યું છે.
માત્ર 8 રાઈડ્સને મંજૂરી મળતાં અન્ય રાઈડ્સના સંચાલકો મૂંઝવણમાં મુકાયા છે. તંત્ર દ્વારા રાઈડ્સ શરૂ કરતા પહેલા SOPનું પાલન કરાવવા માટેના પ્રયાસો કરવામાં આવી રહ્યા છે. આ પ્રક્રિયાના કારણે હાલમાં અનેક રાઈડ્સ બંધ જોવા મળી રહી છે.
સાતમ અને આઠમના લોકમેળામાં દર વર્ષે લાખો લોકો જોડાતા હોય છે. મોટી સંખ્યામાં લોકો મેળામાં પહોંચતા હોવા છતાં આ વખતે અનેક રાઈડ્સ બંધ હોવાના કારણે માનવ મેહેરામણમાં પણ ઘટાડો જોવા મળ્યો છે. લોકમેળાના આકાશી દ્રશ્યોમાં પણ અનેક રાઈડ્સ બંધ જોવા મળી હતી. રાઈડ્સ બંધ રહેતા મેળામાં આવતા લોકો માટે રાઈડ્સનો રોમાંચ પણ ફિક્કો જોવા મળી રહ્યો છે.
બીજી તરફ, રાઈડ્સના સંચાલકો SOPનું પાલન કરીને મંજૂરી મેળવવાની પ્રક્રિયાને લઈને મૂંઝવણમાં મુકાયા છે. તંત્ર દ્વારા સ્પષ્ટ કરવામાં આવ્યું છે કે SOP નું પાલન કર્યા બાદ જ રાઈડ્સને મંજૂરી આપવામાં આવશે. જેના પગલે હાલમાં મંજૂરી મળેલી 8 રાઈડ્સ જ કાર્યરત છે, જ્યારે અન્ય રાઈડ્સ મંજૂરીની રાહ જોઈ રહી છે.