રાજકોટ એરપોર્ટ પર ફટાકડા ફોડવાની ઘટના બાદ એરપોર્ટ ડિરેક્ટર ધનંજયકુમાર સિંહને માત્ર 24 દિવસમાં જ પદ પરથી દૂર કરવામાં આવ્યા છે. એરપોર્ટ પર પક્ષીઓને ઉડાડવા માટે રનવે પર ફટાકડા ફોડવામાં આવ્યા હતા, જેના કારણે આગ લાગવાની ઘટના બની હતી.
આ ઘટનાને પગલે રાજકોટ આવી રહેલી એર ઇન્ડિયાની ફ્લાઇટને વડોદરા ડાયવર્ટ કરવાની ફરજ પડી હતી. ખાસ વાત એ છે કે આ વિમાનમાં એવિએશન ઓફ ઇન્ડિયાના સેક્રેટરી પણ સવાર હતા.
28 ઓક્ટોબરના રોજ દિલ્હીથી રાજકોટ આવી રહેલી ફ્લાઇટ ડાયવર્ટ થયા બાદ એરપોર્ટની કામગીરી અને સુરક્ષા વ્યવસ્થાને લઈને સવાલો ઊભા થયા હતા. હવે આ ઘટનાના થોડા જ દિવસોમાં એરપોર્ટ ડિરેક્ટરને પદ પરથી હટાવવાનો નિર્ણય લેવામાં આવ્યો છે.
ઉલ્લેખનીય છે કે, આ ઘટના રાજકોટ શહેરના એરપોર્ટ સાથે સંબંધિત છે, જ્યાં વિમાનની સુરક્ષિત લેન્ડિંગ અને એરપોર્ટ કામગીરી પર ગંભીર પ્રશ્નો ઉઠ્યા છે.