કેટલીકવાર ઘરમાં કોઈ શાક હોતું નથી અથવા રોજની દાળ-રોટલી ખાઈને કંટાળો આવી જાય છે. ત્યારે શું બનાવવું એ સવાલ થઈ જાય છે. આવી સ્થિતિમાં રાજસ્થાનનું પ્રખ્યાત પાપડનું શાક એક સરળ અને સ્વાદિષ્ટ વિકલ્પ બની શકે છે. તે દહીં અને મસાલાના સ્વાદ સાથે માત્ર પાંચ મિનિટમાં તૈયાર થઈ જાય છે.
જરૂરી સામગ્રી
- 5-6 પાપડ
- 1/2 કપ દહીં
- 2-3 ટામેટાં
- 2-3 મોટી ચમચી લીલા ધાણા
- 1 મોટી ચમચી કસૂરી મેથી
- 2-3 ઝીણા સમારેલા લીલા મરચાં
- 1/2 નાની ચમચી જીરૂં
- 1/4 ચમચી હળદર પાવડર
- 1/4 ચમચી લાલ મરચું પાવડર
- 1 ચમચી ધાણા પાવડર
- 1 ઇંચ આદુ
- 1 ચપટી હિંગ
- સ્વાદાનુસાર મીઠું
બનાવવાની રીત
પગલું 1: સૌથી પહેલા પાપડને શેકી લો. આ માટે કડાઈમાં તેલ મૂકીને તળો અથવા ગેસ પર તેલ વગર શેકો. બંને વિકલ્પ ઉપલબ્ધ છે.
પગલું 2: એક કપ દહીંમાં અડધો કપ પાણી ઉમેરીને સારી રીતે વલોવી લો.
પગલું 3: કડાઈને ગેસ પર રાખો અને તેમાં 2-3 ચમચી તેલ નાખો. તેલ ગરમ થાય એટલે તેમાં જીરૂં, હિંગ, આદુ અને લીલા મરચાં સાંતળો.
પગલું 4: તે પછી ટામેટાંને ઝીણા પીસીને ઉમેરો અને તેમાં લાલ મરચું, હળદર, ધાણા પાવડર અને કસૂરી મેથી નાખો.
પગલું 5: આ મસાલાને ત્યાં સુધી સાંતળો જ્યાં સુધી તેલ અલગ દેખાવા ન લાગે. હવે તેમાં એક કપ પાણી અને સ્વાદાનુસાર મીઠું નાખો.
પગલું 6: ગ્રેવીને ધીમા તાપે પકવા દો. જેવો ઉભરો આવે એટલે તેમાં દહીં ઉમેરો. ધ્યાન રાખો, દહીં ધીમે-ધીમે ઉમેરતાં ધીમા તાપે ચમચીથી હલાવતા રહો. આનાથી દહીં ફાટશે નહીં.
પગલું 7: થોડી વાર પછી ઉપરથી લીલા ઝીણા સમારેલા ધાણા નાખો.
પગલું 8: સૌથી છેલ્લે પાપડ ઉમેરીને 2 મિનિટ સુધી ધીમા તાપે પાકવા દો. તમારું પાપડનું શાક તૈયાર છે. તેને ભાત અને રોટલી સાથે લંચ કે ડિનરમાં પીરસો.
ધ્યાન રાખવાની બાબતો
દહીંને તરત જ ફ્રિજમાંથી કાઢીને ગ્રેવીમાં ઉમેરવાનું ટાળો. તેને રૂમ ટેમ્પરેચર પર આવવા દો, પછી જ શાકમાં ઉમેરો. આ સિવાય ગ્રેવી માટે ટામેટાં અથવા દહીં બેમાંથી કોઈ એક પણ ઉમેરી શકાય છે. શાકમાં અલગ સ્વાદ માટે ટામેટાં સાથે ડુંગળી પણ ઉમેરી શકો છો.