રશિયન રાષ્ટ્રપતિ વ્લાદિમીર પુતિન 18મી બ્રિક્સ સમિટમાં ભાગ લેવા નવી દિલ્હી પહોંચ્યા છે. તેઓ પોતાની ખાસ સુરક્ષા વ્યવસ્થા સાથે કસ્ટમાઇઝ્ડ ઓરસ સેનાટ લિમોઝિનમાં આવ્યા છે. પુતિન વિદેશ પ્રવાસોમાં હંમેશા પોતાની જ કારનો ઉપયોગ કરવાનો આગ્રહ રાખે છે. આ અતિ સુરક્ષિત લિમોઝિનમાં 4.4-લિટર ટ્વીન-ટર્બો V8 એન્જિન છે અને તે બુલેટપ્રૂફિંગ તથા બોમ્બ પ્રતિકારક ક્ષમતાઓથી સજ્જ છે.
અન્ય વૈશ્વિક નેતાઓથી વિપરીત, પુતિન વિદેશી પ્રવાસો દરમિયાન સ્થાનિક વાહનોનો ઉપયોગ કરવાને બદલે હંમેશા પોતાની જ કારનો ઉપયોગ કરવાનો આગ્રહ રાખે છે. અગાઉ ચીનમાં યોજાયેલી એસસીઓ સમિટ દરમિયાન વડાપ્રધાન નરેન્દ્ર મોદી પણ આ જ વાહનમાં તેમની સાથે બેઠા હતા.
ઓરસ સેનાટ એ દુનિયાના સૌથી સુરક્ષિત અને રહસ્યમય વાહનોમાં ગણાય છે, જે રશિયાના શાસનમાં 25 વર્ષ પૂર્ણ કરી ચૂકેલા નેતા માટે તૈયાર કરવામાં આવી છે. આ કાર ઓરસ મોટર્સ દ્વારા રૂશિયન સ્ટેટ રિસર્ચ બોડી નામી, સોલર્સ જેએસસી અને યુએઈની તવાઝુન હોલ્ડિંગના સંયુક્ત ઉપક્રમે બનાવવામાં આવી છે. ‘કોર્ટેઝ’ પ્રોગ્રામ હેઠળ 2018 માં લૉન્ચ થયેલી આ કાર સોવિયેત યુગની ઝિસ-110 લિમોઝિનથી પ્રેરિત છે. આ કારનું સિવિલિયન એડિશન પણ વર્ષે 120 યુનિટ સુધી મર્યાદિત છે અને તેની કિંમત આશરે 2.5 કરોડ રૂપિયા છે.
આ સેનાટ કાર 4.4-લીટર ટ્વિન-ટર્બો વી8 એન્જિન અને હાઇબ્રિડ સિસ્ટમ સાથે ચાલે છે, જે 9-સ્પીડ ઓટોમેટિક ગિયરબોક્સ દ્વારા આશરે 598 હોર્સપાવર અને 880 એનએમ ટોર્ક જનરેટ કરે છે. આ ભારે વાહન માત્ર 9 સેકન્ડમાં 0 થી 100 કિમી પ્રતિ કલાકની ઝડપ પકડી શકે છે અને તેની ટોપ સ્પીડ આશરે 160 કિમી પ્રતિ કલાક છે. આ કારની લંબાઈ 5,630 એમએમ અને પહોળાઈ 2,000 એમએમ છે, જ્યારે તેનો વ્હીલબેઝ 3,300 એમએમ છે.
રાષ્ટ્રપ્રમુખની મુસાફરી માટે આ કાર બુલેટપ્રૂફિંગ અને બોમ્બ પ્રતિકારક ક્ષમતાઓથી સજ્જ છે. તેમાં એક્ટિવ ક્રૂઝ કંટ્રોલ, લેન ડિપાર્ચર વોર્નિંગ, ઇલેક્ટ્રોનિક ટ્રેક્શન કંટ્રોલ અને એડવાન્સ્ડ બ્રેકિંગ સિસ્ટમ સામેલ છે. આ કારની અંદર પ્રીમિયમ લેધર, વુડ ટ્રિમ અને મોર્ડન ઇન્ફોટેનમેન્ટ સેટઅપ આપવામાં આવ્યું છે, જે અત્યંત આબોહવાકીય પરિસ્થિતિઓમાં પણ કામ કરવા માટે એન્જિનિયર કરવામાં આવ્યું છે.