નવી દિલ્હીમાં યોજાયેલી BRICS સમિટમાં વિશ્વના નેતાઓ એકઠા થયા હતા. આ સમિટના બીજા દિવસે રશિયાના રાષ્ટ્રપતિ વ્લાદિમીર પુતિને BRICS બિઝનેસ ફોરમના લીડર્સ સેશનમાં સંબોધન કર્યું હતું. તેમણે વૈશ્વિક આર્થિક વ્યવસ્થામાં થઈ રહેલા મોટા ફેરફારો વિશે વાત કરી હતી.
પુતિને કહ્યું કે આજે દુનિયા ઊંડા અને મૂળભૂત પરિવર્તનમાંથી પસાર થઈ રહી છે. વીસમી સદીના ઉત્તરાર્ધમાં જે દેશો આર્થિક વૃદ્ધિના ચાલક હતા, તે જૂના નેતાઓનું સ્થાન હવે નવા વિકાસ ચાલકો લઈ રહ્યા છે. તેમણે સ્પષ્ટ કર્યું કે BRICS દેશો હવે G7 કરતાં આર્થિક રીતે આગળ નીકળી ગયા છે.
પુતિને કહ્યું કે જૂના નેતાઓ પાસે હજુ પણ મજબૂત ઈન્ફ્રાસ્ટ્રક્ચર, ટેકનોલોજી અને વૈજ્ઞાનિક સંસ્થાઓ જેવી શક્તિઓ છે. પરંતુ આર્થિક વૃદ્ધિનું કેન્દ્ર ધીમે ધીમે બદલાઈ રહ્યું છે. તેમણે કહ્યું કે આ પરિવર્તન સ્વાભાવિક છે, કારણ કે દુનિયા હંમેશા બદલાતી રહે છે.
ઉલ્લેખનીય છે કે, BRICSમાં બ્રાઝિલ, રશિયા, ભારત, ચીન અને દક્ષિણ આફ્રિકા સિવાય હવે ઘણા નવા દેશો જોડાયા છે. આ સમિટમાં આર્થિક સહકાર અને વૈશ્વિક વ્યવસ્થામાં સુધારા પર ચર્ચા થઈ રહી છે.