નમસ્તે. આજના મોર્નિંગ ન્યૂઝ બ્રીફમાં આપણે જાણીશું ગઈકાલના મોટા સમાચાર. ગુજરાતમાં જન્માષ્ટમીની ઉજવણી ધામધૂમથી થઈ. દ્વારકા, ડાકોર અને શામળાજી સહિતના ધામોમાં ભક્તોની મોટી ભીડ જોવા મળી.
અમેરિકાના રાજદૂત સર્જિયો ગોરે ભારત-અમેરિકા સંબંધો અંગે મોટું નિવેદન આપ્યું છે. તેમણે કહ્યું કે બંને દેશો વચ્ચેના મજબૂત સંબંધોને કારણે ઘણા દેશો 'ઈર્ષ્યા' કરે છે. રાજદૂતે ઉમેર્યું કે રાષ્ટ્રપતિ ટ્રમ્પ પીએમ મોદીને મિત્ર માને છે અને ડિસેમ્બરની G20 સમિટમાં મળવા ઈચ્છતા નેતાઓની યાદીમાં મોદી સૌથી ઉપર છે.
વડાપ્રધાન નરેન્દ્ર મોદીએ ઇટાલીના વડાપ્રધાન જ્યોર્જિયા મેલોનીને સૌથી લાંબા સમય સુધી સતત વડાપ્રધાન રહેવાનો રેકોર્ડ બદલ અભિનંદન પાઠવ્યા છે. તેમણે મેલોનીને મિત્ર ગણાવતા કહ્યું કે આ સિદ્ધિ તેમના નેતૃત્વ પર ઇટાલીના લોકોનો ભરોસો દર્શાવે છે.
ભારતીય અવકાશ સંશોધન સંસ્થા (ISRO) એ ગુરુવારે મોડી રાત્રે EOS-05 ઇમેજિંગ સેટેલાઇટનું સફળ પ્રક્ષેપણ કર્યું. આ સેટેલાઇટ 36 હજાર કિલોમીટરની ઊંચાઈએથી પાકિસ્તાન-ચીન સહિતના વિસ્તારો પર નજર રાખશે અને આપત્તિમાં મદદ કરશે.
તાજેતરમાં જ મુંબઈથી શ્રીનગર આવેલી ઇન્ડિગો ફ્લાઇટ પાર્કિંગ દરમિયાન શ્રીનગર એરપોર્ટ પર એક પોલ સાથે અથડાઈ હતી. તમામ 200 મુસાફરો સુરક્ષિત છે. તપાસ ચાલુ છે.