વડાપ્રધાન નરેન્દ્ર મોદીના 76મા જન્મદિવસ નિમિત્તે તેમના જન્મસ્થળ વડનગરમાં ભવ્ય ઉજવણીનો માહોલ જોવા મળ્યો. મહેસાણા જિલ્લાના વડનગર ખાતે શર્મિષ્ઠા તળાવ ખાતે મહાઆરતી કરવામાં આવી હતી. આ આરતીમાં કેન્દ્રીય ગૃહ પ્રધાન અમિત શાહ, મુખ્યમંત્રી ભૂપેન્દ્ર પટેલ, પ્રદેશ અધ્યક્ષ હર્ષ સંઘવી સહિતના નેતાઓએ ભાગ લીધો હતો.
આરતી બાદ શર્મિષ્ઠા તળાવથી હાટકેશ્વર મંદિર સુધી પદયાત્રા યોજાઈ હતી. આ પદયાત્રામાં અમિત શાહ, હર્ષ સંઘવી અને મુખ્યમંત્રી ભૂપેન્દ્ર પટેલે ભાગ લીધો હતો. મંદિરે પહોંચતાં જ ડમરુના નાદ સાથે મહાનુભાવોનું સ્વાગત કરવામાં આવ્યું હતું.
આ પ્રસંગે અમિત શાહની હાજરીમાં ‘સેવા સંકલ્પ અભિયાન’નો પ્રારંભ કરવામાં આવ્યો. આ અભિયાન હેઠળ ‘એક ભારત, શ્રેષ્ઠ ભારત’ના સંદેશ સાથે ‘વડનગરથી વારાણસી’ બાઇક રેલીને અમિત શાહે લીલી ઝંડી આપી હતી.