મલ્ટી કોમોડિટી એક્સચેન્જ (MCX) પર આજે (3 સપ્ટેમ્બર, 2026) સોના અને ચાંદીના ભાવમાં નોંધપાત્ર તેજી જોવા મળી છે. સોનાનો વાયદો 1.12 ટકાના વધારા સાથે ₹1,710 વધીને ₹154,112 પ્રતિ 10 ગ્રામ પર ટ્રેડ થઈ રહ્યો છે. આ દરમિયાન સોનાએ દિવસનો ઉચ્ચતમ સ્તર ₹154,150 સ્પર્શ્યો હતો, જ્યારે નીચામાં નીચો ભાવ ₹153,476 રહ્યો હતો. અગાઉના સત્રમાં સોનાનો બંધ ભાવ ₹152,402 હતો.
બજાર નિષ્ણાતોના મતે, આ તેજી પાછળનું મુખ્ય કારણ માર્કેટમાં જોવા મળી રહેલું શોર્ટ કવરિંગ છે, એટલે કે નીચલા સ્તરે શોર્ટ પોઝિશન રાખનારાઓએ સ્થિતિ સમાપ્ત કરવા ખરીદી કરી છે. સવારે 10 વાગ્યાની આસપાસ અચાનક ખરીદી વધતા ભાવ ઉપરની તરફ દોડ્યા હતા.
સોના બાદ ચાંદીના ભાવમાં પણ મજબૂતી જોવા મળી છે. ચાંદીનો વાયદો 1.21 ટકાના ઉછાળા સાથે ₹2,850 વધીને ₹239,116 પ્રતિ કિલોગ્રામ પર ટ્રેડ થઈ રહ્યો છે. ચાંદીએ કારોબાર દરમિયાન ₹239,305નો ઉચ્ચતમ સ્તર સ્પર્શ્યો હતો, જ્યારે નીચામાં નીચો ભાવ ₹237,980 રહ્યો હતો. અગાઉના સત્રમાં ચાંદીનો બંધ ભાવ ₹236,266 હતો.
ટેકનિકલ આંકડા મુજબ, સોનાનું કુલ વોલ્યુમ 1,138 લોટ અને ઓપન ઈન્ટરેસ્ટ 10,552 રહ્યું છે, જે અગાઉ કરતાં 0.61 ટકા ઘટ્યું છે. ચાંદીનું વોલ્યુમ 32,670 લોટ અને ઓપન ઈન્ટરેસ્ટ 12,700 રહ્યું છે, જેમાં 0.56 ટકાનો ઘટાડો નોંધાયો છે. આ આંકડા દર્શાવે છે કે બજારમાં શોર્ટ કવરિંગ ચાલુ છે, જે તેજીને ટેકો આપી રહ્યું છે.