મનોજ બાજપેયીની આગામી ફિલ્મ 'ઘૂસખોર પંડત'નું નામ બદલીને 'ગજબ રાત' કરવામાં આવ્યું છે. આ નામ બદલાવ સાથે ફિલ્મની રજૂઆત સામે દિલ્હી હાઈકોર્ટમાં ચાલી રહેલા સ્ટે પણ હટી ગયો છે.
ફિલ્મના નામથી બ્રાહ્મણ સમુદાયની લાગણી દુભાતી હોવાની રજૂઆત કરીને દિલ્હી હાઈકોર્ટમાં અરજી દાખલ કરવામાં આવી હતી અને ફિલ્મની રજૂઆત પર સ્ટે માંગવામાં આવ્યો હતો. જોકે, નિર્માતાએ ફિલ્મનું નામ બદલવા માટે સંમતિ આપતાં અને ફિલ્મનું નામ 'ઘૂસખોર પંડત'માંથી બદલીને 'ગજબ રાત' રાખતાં અરજદારોએ તેમનો કેસ પાછો ખેંચી લીધો હતો. જેના કારણે ફિલ્મની રજૂઆત આડેનો અવરોધ હટી ગયો.
રિતેશ શાહ નિર્દેશિત આ ફિલ્મનું ટ્રેલર ગુરુવારે રજૂ કરવામાં આવ્યું હતું, જ્યારે ફિલ્મનું પ્રિમિયર 23 ઓક્ટોબરે OTT પ્લેટફોર્મ પર યોજાશે. આ ફિલ્મ એક રાતમાં બનતી ઘટનાઓની વાર્તા કહે છે.
આ ફિલ્મમાં કામ કરવા માટે મનોજ બાજપેયી અને નીરજ પાંડેએ લગભગ એક દાયકા બાદ ફરી હાથ મિલાવ્યા છે. રિતેશ શાહની નિર્દેશક તરીકે આ પહેલી ફિલ્મ છે. નીરજ પાંડેની ફ્રાઇડે ફિલ્મ વર્ક્સ દ્વારા નિર્મિત આ ફિલ્મમાં મનોજ બાજપેયી ઉપરાંત સકીબ સલીમ, અક્ષય ઓબેરોય, દિવ્યા દત્તા અને નુસરત ભરૂચાની પણ મહત્વની ભૂમિકાઓ છે.