મુંબઈ ઈન્ડિયન્સના હેડ કોચ મહેલા જયવર્ધને શનિવારે, 17 ઑક્ટોબરે પોતાના પદ પરથી રાજીનામું આપ્યું છે. 49 વર્ષીય જયવર્ધન માટે મુંબઈ ઈન્ડિયન્સ સાથેનો આ બીજો કાર્યકાળ હતો. તેઓ 2025ની સીઝન પહેલાં ફરી ટીમના હેડ કોચ બન્યા હતા.
પોતાના પ્રથમ કાર્યકાળમાં જયવર્ધનેએ મુંબઈ ઈન્ડિયન્સને 2017, 2019 અને 2020માં IPL ખિતાબ અપાવ્યા હતા. 2025ની સીઝનમાં ટીમ ચોથા સ્થાને રહી હતી અને ક્વોલિફાયર-2માં હારી ગઈ હતી.
જયવર્ધનેએ 2022માં મુંબઈ ઈન્ડિયન્સના ગ્લોબલ હેડ ઑફ પરફોર્મન્સની જવાબદારી પણ સંભાળી હતી. રાજીનામા અંગે તેમણે કહ્યું કે મુંબઈ ઈન્ડિયન્સ તેમની ક્રિકેટ કારકિર્દીનો ખાસ હિસ્સો રહ્યો છે. ખેલાડીઓ, કોચિંગ સ્ટાફ, પ્રશંસકો અને સમગ્ર ટીમ પરિવારે આ સફરને યાદગાર બનાવી, અને ટીમ સાથે હાંસલ કરેલી ઉપલબ્ધિઓ પર તેમને ગર્વ છે.
હવે મુંબઈ ઈન્ડિયન્સે નવો હેડ કોચ પસંદ કરવાનો રહેશે. આ માટે 15 નવેમ્બરની IPL રિટેન્શન ડેડલાઇન પહેલાં એક મહિનાથી પણ ઓછો સમય બચ્યો છે. IPLનું ઓક્શન ડિસેમ્બરના મધ્યમાં ગોવામાં થવાની અપેક્ષા છે.