ફિલ્મ 'જેલર 2'નું ટ્રેલર રિલીઝ થઈ ગયું છે. આ ટ્રેલરમાં સુપરસ્ટાર રજનીકાંત ફરી એક વાર 'ટાઇગર' મુથુવેલ પાંડિયનના પાત્રમાં જોવા મળે છે. ટ્રેલરમાં તેમની અંદાજ, જબરદસ્ત એક્શન અને રજનીકાંતની પોતાની શૈલી જોવા મળે છે.
નેલ્સન દિલીપકુમારના નિર્દેશનમાં બનેલી આ ફિલ્મમાં સૌથી વધુ ચર્ચા અભિનેત્રી વિદ્યા બાલનના પાત્રની થઈ રહી છે. ટ્રેલરમાં વિદ્યા બાલન 'કાંતા' નામના પાત્રમાં એક બિલકુલ નવા લુકમાં જોવા મળે છે. તેમની નાની હેરસ્ટાઇલ, ડાર્ક સ્ટાઇલિંગ અને દમદાર સ્ક્રીન પ્રેઝન્સ દર્શકોનું ધ્યાન ખેંચે છે. રજનીકાંત અને વિદ્યા બાલન પ્રથમ વખત એક સાથે સ્ક્રીન પર જોવા મળી રહ્યા છે, જે આ ફિલ્મનું એક મુખ્ય આકર્ષણ છે.
ટ્રેલરમાં રજનીકાંત અને વિદ્યા ઉપરાંત અન્ય અનેક કલાકારોની ઝલક પણ જોવા મળે છે. તેમાં મિથુન ચક્રવર્તી, એસ.જે. સૂર્યા, જેકી શ્રોફ, શિવરાજકુમાર, મોહનલાલ અને રિતિક રોશનનો સમાવેશ થાય છે. મિથુન ચક્રવર્તી અને એસ.જે. સૂર્યા વિલનની ભૂમિકામાં જોવા મળે તેવી શક્યતા છે, જ્યારે જેકી શ્રોફ, શિવરાજકુમાર, મોહનલાલ અને રિતિક રોશન હીરોની સાથે જોવા મળે છે. જો કે, રિતિક રોશનનો લુક નિર્દેશક નેલ્સને હાલ ટ્રેલરમાં બતાવ્યો નથી. તેમનો લુક દર્શકોને સીધા સિનેમાઘરોમાં જ જોવા મળશે.
ફિલ્મ 15 ઓક્ટોબર 2026ના રોજ સિનેમાઘરોમાં રિલીઝ થવાની છે. રજનીકાંતની આ ફિલ્મને લઈને દર્શકોમાં ભારે ઉત્સુકતા જોવા મળી રહી છે.