દુલીપ ટ્રોફી 2026ની ફાઇનલમાં ઈસ્ટ ઝોનના કેપ્ટન ઈશાન કિશને શાનદાર પ્રદર્શન કર્યું છે. તેણે આ ફાઇનલમાં કુલ 350 રન બનાવ્યા છે. પ્રથમ ઇનિંગમાં તેણે 270 રનની મોટી ઇનિંગ રમી હતી, જ્યારે બીજી ઇનિંગમાં 80 રન બનાવીને આઉટ થયો હતો. આમ તે બીજી ઇનિંગમાં સદી ફટકારવાથી માત્ર 20 રન દૂર રહી ગયો.
પ્રથમ ઇનિંગમાં ઈશાન કિશને 334 બોલમાં 30 ચોગ્ગા અને 7 છગ્ગાની મદદથી 270 રન બનાવ્યા હતા. તેનો સ્ટ્રાઇક રેટ 80 થી વધુ હતો. તેની આ ઇનિંગના કારણે ઈસ્ટ ઝોન પ્રથમ ઇનિંગમાં 708 રનનો વિશાળ સ્કોર બનાવી શક્યું હતું.
બીજી ઇનિંગમાં ઈશાન કિશને આક્રમક રમત રમતા 80 રનમાં પોતાની વિકેટ ગુમાવી. તેની આ ઇનિંગમાં 9 ચોગ્ગા અને 3 છગ્ગાનો સમાવેશ થાય છે.
હવે ઈશાન કિશન પોતાની ટીમને દુલીપ ટ્રોફીનો ખિતાબ અપાવવા માટે તૈયાર છે. આ મેચ ડ્રો થવાની સંભાવના છે, અને ઈસ્ટ ઝોન પ્રથમ ઇનિંગની લીડના આધારે જીત મેળવશે તે લગભગ નિશ્ચિત છે. દક્ષિણ ઝોન પ્રથમ ઇનિંગમાં 336 રનમાં ઓલઆઉટ થઈ ગયું હતું.
ઈશાન કિશનની વાત કરીએ તો, તેણે તાજેતરની ફાઇનલ મેચોમાં ઉત્કૃષ્ટ પ્રદર્શન કર્યું છે. તેણે સૈયદ મુશ્તાક અલી ટ્રોફીની ફાઇનલમાં સદી ફટકારીને ટીમને જીત અપાવી હતી, અને T20 વર્લ્ડ કપની ફાઇનલમાં અડધી સદી રમીને ટીમ ઈન્ડિયાને ચેમ્પિયન બનાવી હતી. હવે દુલીપ ટ્રોફીમાં 350 રન બનાવીને તેણે પોતાની ટીમની જીત લગભગ સુનિશ્ચિત કરી દીધી છે.