ભારતીય ક્રિકેટ કંટ્રોલ બોર્ડ (BCCI)એ બુધવારે ઈરાની કપ માટે રેસ્ટ ઓફ ઈન્ડિયાની 15 સભ્યોની ટીમ જાહેર કરી છે. ઋષભ પંતને ટીમનો કેપ્ટન બનાવવામાં આવ્યો છે, જ્યારે સરફરાઝ ખાન વાઈસ-કેપ્ટનની જવાબદારી સંભાળશે. ટીમ રણજી ટ્રોફી ચેમ્પિયન જમ્મુ-કાશ્મીર સામે મુકાબલો કરશે.
આ મેચ 1 થી 5 ઓક્ટોબર સુધી શ્રીનગરના શેર-એ-કાશ્મીર સ્ટેડિયમમાં રમાશે.
ફાસ્ટ બોલર આકાશ દીપને ટીમમાં સામેલ કરવામાં આવ્યો છે, પરંતુ તેનું રમવું ફિટનેસ ક્લિયરન્સ પર નિર્ભર રહેશે. ટીમમાં મુકેશ કુમાર અને મુકેશ ચૌધરીને પણ સ્થાન મળ્યું છે. સ્પિન વિભાગની જવાબદારી માનવ સુથાર અને સારાંશ જૈન સંભાળશે.
બીજી તરફ, સ્પિનર વરુણ ચક્રવર્તી સાઇડ સ્ટ્રેનની ઈજાને કારણે જાપાન T20I અને એશિયન ગેમ્સમાંથી બહાર થઈ ગયો છે. પસંદગી સમિતિએ તેની જગ્યાએ વિપ્રજ નિગમને ટીમમાં સામેલ કર્યો છે. આ વિપ્રજનો પ્રથમ ઈન્ટરનેશનલ કોલ-અપ છે.
ઓલરાઉન્ડર નીતિશ કુમાર રેડ્ડીને એશિયન ગેમ્સની ટીમમાંથી પાછા બોલાવવામાં આવ્યા છે. હવે તે વેસ્ટ ઈન્ડીઝ સામેની વનડે સિરીઝમાં ભારતીય ટીમનો ભાગ હશે. એશિયન ગેમ્સ માટે તેની જગ્યાએ કોને સામેલ કરવામાં આવશે, તે અંગે BCCIએ કોઈ જાણકારી આપી નથી.
રેસ્ટ ઓફ ઈન્ડિયાની 15 સભ્યોની ટીમ: ઋષભ પંત (કેપ્ટન અને વિકેટકીપર), સરફરાઝ ખાન (વાઈસ-કેપ્ટન), સનત સાંગવાન, શિખર મોહન, સુદીપ ઘરામી, સ્મરણ રવિચંદ્રન, માનવ સુથાર, સારાંશ જૈન, આકાશ દીપ*, મુકેશ કુમાર, મુકેશ ચૌધરી, આર્યન જુયાલ (વિકેટકીપર), આર્યન પાંડે, અનુકૂલ રોય અને આયુષ દોસેજા.
*આકાશ દીપની પસંદગી ફિટનેસ ક્લિયરન્સને આધીન છે.
ભારતની અપડેટેડ એશિયન ગેમ્સ ટીમ: શ્રેયસ ઐયર (કેપ્ટન), અભિષેક શર્મા, સંજુ સેમસન (વિકેટકીપર), ઈશાન કિશન (વિકેટકીપર), શિવમ દુબે, તિલક વર્મા (વાઈસ-કેપ્ટન), અક્ષર પટેલ, વોશિંગ્ટન સુંદર, રવિ બિશ્નોઈ, જસપ્રીત બુમરાહ, અર્શદીપ સિંહ, વૈભવ સૂર્યવંશી, યશ ઠાકુર અને વિપ્રજ નિગમ.