સત્ય. સાહસ. સંકલ્પ.

ઇન્સ્ટાગ્રામનું 'ક્લીન-અપ' અભિયાન: AI ફિલ્ટર કરશે અશ્લીલ અને હિંસક કન્ટેન્ટ

ઇન્સ્ટાગ્રામનું 'ક્લીન-અપ' અભિયાન: AI ફિલ્ટર કરશે અશ્લીલ અને હિંસક કન્ટેન્ટ

સોશિયલ મીડિયા પ્લેટફોર્મ ઇન્સ્ટાગ્રામે ભારતમાં પોતાના કન્ટેન્ટ રિકમેન્ડેશન સિસ્ટમમાં ફેરફાર કર્યો છે. હવે યુઝર્સને પ્લેટફોર્મ પર અશ્લીલ અને હિંસક કન્ટેન્ટ ઓછું જોવા મળશે.

આ માટે કંપનીએ આર્ટિફિશિયલ ઇન્ટેલિજન્સ એટલે કે AIના નવા અને વધુ સારા મોડલનો ઉપયોગ કર્યો છે. આ મોડલ આપત્તિજનક કન્ટેન્ટની ઓળખ કરીને તેને યુઝર્સ સુધી પહોંચે તે પહેલાં જ રિકમેન્ડેશનમાંથી દૂર કરી દેશે.

નવી સિસ્ટમ હેઠળ હવે AI મોડલ યુઝર્સની ફરિયાદની રાહ જોયા વિના પોસ્ટની તપાસ કરશે. આ ફેરફાર રીલ્સ, એક્સપ્લોર અને ફીડમાં દેખાતી એવી પોસ્ટ્સ પર લાગુ થશે, જેને યુઝર્સ ફોલો કરતા નથી.

ઉલ્લેખનીય છે કે 10 ઑક્ટોબરે સરકારે Metaને એડવાઇઝરી જાહેર કરીને ઇન્સ્ટાગ્રામ-ફેસબુકની રિકમેન્ડેશન સિસ્ટમ અને એલ્ગોરિધમની સમીક્ષા કરવા જણાવ્યું હતું.

યુઝર્સ પોતે પણ કન્ટેન્ટને નિયંત્રિત કરી શકશે. ઇન્સ્ટાગ્રામ પર યુઝર્સ 'નોટ ઇન્ટરેસ્ટેડ' વિકલ્પ દ્વારા પસંદ ન આવતી પોસ્ટ્સ ઓછી કરી શકે છે. તેમજ, સેન્સિટિવ કન્ટેન્ટ કંટ્રોલથી સંવેદનશીલ સામગ્રીને મર્યાદિત કરી શકાય છે અને હિડન વર્ડ્સ દ્વારા વાંધાજનક શબ્દો તથા કમેન્ટ્સને ફિલ્ટર કરી શકાય છે.

ઇન્સ્ટાગ્રામે કિશોરો માટે ટીન અકાઉન્ટ્સની સુવિધા આપી છે. તેમાં 13+ કન્ટેન્ટ સેટિંગ હેઠળ ઉંમર અનુસાર પોસ્ટ્સ બતાવવામાં આવે છે અને વધારાના સુરક્ષા નિયમો લાગુ રહે છે. Metaનું કહેવું છે કે તે યુઝર્સના પ્રતિસાદના આધારે પોતાની AI સિસ્ટમને સતત વધુ સારી બનાવશે.