પટનાથી લખનઉ આવી રહેલી ઈન્ડિગોની ફ્લાઈટ 6E 925 ખરાબ હવામાન વચ્ચે આકાશી વીજળીની ઝપેટમાં આવી ગઈ હતી. વિમાન લગભગ 17,000 ફૂટની ઊંચાઈ પર ઉડી રહ્યું હતું ત્યારે આ ઘટના બની.
વીજળી પડવાને કારણે વિમાનના આગળના ભાગને નુકસાન પહોંચ્યું હતું. જોકે, પાયલોટે સૂઝબૂઝ દર્શાવીને વિમાનને લખનઉ એરપોર્ટ પર સુરક્ષિત રીતે ઉતાર્યું હતું. વિમાનમાં કુલ 104 મુસાફરો સવાર હતા.
લેન્ડિંગ બાદ તમામ મુસાફરોને સુરક્ષિત રીતે વિમાનમાંથી બહાર કાઢવામાં આવ્યા હતા. આ ઘટનામાં કોઈ મુસાફર ઘાયલ થયાના સમાચાર નથી.
ખરાબ હવામાન વચ્ચે વીજળી પડ્યા બાદ વિમાનને સુરક્ષિત નીચે લાવવું સૌથી મહત્વનું હતું. પાયલોટે પરિસ્થિતિ સંભાળી લીધી હતી અને ઈમરજન્સી લેન્ડિંગ કરાવ્યું હતું.