નવી મુંબઈથી શ્રીનગર આવેલી ઇન્ડિગો ફ્લાઇટ 6E 225 ગુરુવારે સવારે શ્રીનગર એરપોર્ટ પર પાર્કિંગ દરમિયાન એક પોલ સાથે અથડાઈ હતી. આ ઘટના સવારે લગભગ 9:02 વાગ્યે બે નંબર 06 પર વિમાનને પાર્ક કરાવતી વખતે બની હતી.
અથડામણના કારણે વિમાનનો આગળનો ભાગ (નોઝ) તૂટી ગયો હતો. જોકે, તમામ 200 મુસાફરો અને ક્રૂ સભ્યો સુરક્ષિત છે અને કોઈને ઈજા થઈ હોવાના અહેવાલ નથી. મુસાફરો અને ક્રૂને મેન્યુઅલ એરક્રાફ્ટ સીડીઓ દ્વારા સુરક્ષિત રીતે ઉતારવામાં આવ્યા હતા.
વિમાન જે પોલ સાથે અથડાયું, તે વિઝ્યુઅલ ડોકિંગ ગાઈડન્સ સિસ્ટમ (VDGS) નો ભાગ છે. આ સિસ્ટમનો ઉપયોગ વિમાનને પાર્કિંગ એરિયામાં સુરક્ષિત રીતે લાવવા માટે થાય છે. ઘટનાના કારણોની તપાસ ચાલુ છે.
હાલ શ્રીનગર એરપોર્ટનું સંચાલન સામાન્ય છે અને ફ્લાઇટ્સ નિર્ધારિત સમય અનુસાર આવી-જઈ રહી છે.