આઇચી-નાગોયામાં રમાઈ રહેલી એશિયન ગેમ્સના પૂલ-બીમાં ભારતીય મહિલા હોકી ટીમે સોમવારે ઇન્ડોનેશિયાને 17-1થી હરાવીને સતત બીજી મોટી જીત નોંધાવી છે. આ પહેલાં ભારતે ઉઝબેકિસ્તાનને 19-0થી હરાવ્યું હતું.
ભારત માટે દીપિકા સેહરાવત અને રુતુજા પિસાલે ત્રણ-ત્રણ ગોલ કર્યા. દીપિકાએ 8મી મિનિટે પેનલ્ટી કોર્નર પર ગોલ કરીને ભારતનું ખાતું ખોલ્યું. ત્યાર બાદ સુનેલિતા ટોપ્પો, લાલરેમસિયામી અને રુતુજાએ ગોલ કર્યા. બીજા ક્વાર્ટરમાં લાલરેમસિયામી, રુતુજા, સાક્ષી રાણા, દીપિકા અને સુનેલિતાએ ગોલ કર્યા, જેથી હાફ ટાઇમ સુધી ભારત 9-0ની સરસાઈ પર હતું.
ત્રીજા ક્વાર્ટરમાં ઇન્ડોનેશિયા માટે ઇનેસ અદિયાતાએ 32મી મિનિટે એકમાત્ર ગોલ કર્યો. ત્યાર બાદ સલીમા ટેટે, નવનીત કૌર, ઇશિકા, રુતુજા અને દીપિકાએ ગોલ કરીને ત્રીજા ક્વાર્ટર સુધી ભારતની સરસાઈ 14-1 કરી દીધી. છેલ્લા ક્વાર્ટરમાં નવનીતે 56મી અને 57મી મિનિટે ગોલ કર્યા. સાક્ષી રાણાએ 57મી મિનિટે ગોલ કરીને ભારતની જીત 17-1 કરી દીધી.
ઉઝબેકિસ્તાન સામેની અગાઉની મેચમાં 8 ગોલ કરનાર દીપિકાએ ઇન્ડોનેશિયા સામે 3 ગોલ કર્યા. તે હવે બે મેચમાં 11 ગોલ કરી ચૂકી છે.