નિશિનના કારોગી સ્પોર્ટ્સ પાર્કમાં ભારતે પાકિસ્તાન સામે 212 રનનું લક્ષ્ય રાખ્યું હતું. આ મેચમાં ભારતની જીત થઈ છે. પાકિસ્તાનની ફિલ્ડિંગ દરમિયાન ભારતીય ફેન્સે પાકિસ્તાની ખેલાડીઓને ચીડાવ્યા હતા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
હકીકતમાં, પાકિસ્તાનની ફિલ્ડિંગ ચાલી રહી હતી ત્યારે સેમ અયુબ બાઉન્ડ્રી લાઇન પર ફિલ્ડિંગ કરી રહ્યો હતો. તે સમયે ભારતના ઓપનર અભિષેક શર્મા પાકિસ્તાની બોલરોની જોરદાર ધુલાઈ કરી રહ્યો હતો. આ દરમિયાન સેમ અયુબ ફિલ્ડિંગ કરી રહ્યો હતો ત્યારે ભારતીય ફેન્સે તેને ચીડાવ્યો હતો. આ વીડિયો @pranav_cool દ્વારા X પર શેર કરવામાં આવ્યો છે.
અભિષેક શર્માના આક્રમક બેટિંગને કારણે પાકિસ્તાની ફિલ્ડરોને મેદાન પર સતત દોડવું પડી રહ્યું હતું. તેથી ભારતીય ફેન્સે સેમ અયુબને 'પાણી આપું કે?' કહીને ચીડાવ્યો હતો. ખાસ વાત એ છે કે ભારતીય ફેન્સ અહીં અટક્યા નહોતા. તે લોકોએ 'તુમ બોલ છોડો, અમ પાણી છોડતે હૈ' એવી ટિપ્પણી કરીને પાકિસ્તાનને વધુ ચીડાવ્યું.