જાપાનના આઇચી નાગોયામાં ચાલી રહેલી એશિયન ગેમ્સ 2026 માં આજે સ્પર્ધાનો 12મો દિવસ છે. ભારત માટે આ દિવસ મહત્વનો બન્યો છે, કારણ કે ભારત અને પાકિસ્તાન વચ્ચે પુરુષ હોકીની સેમીફાઇનલ મેચ બપોરે 1 વાગ્યે રમાવાની છે.
સેલિંગમાં ભારતે રજત પદક જીત્યો છે. પુરુષોની સ્કિફ સ્પર્ધામાં મનુ ફ્રાન્સિસ અને પ્રિન્સ કુરિસિંકલ નોબલની જોડીએ કુલ 9 રેસમાં 23 અંક સાથે બીજું સ્થાન મેળવ્યું. ચીને આ સ્પર્ધામાં સુવર્ણ પદક જીત્યો. એશિયન ગેમ્સમાં સેલિંગમાં ભારતનો આ પહેલો પદક છે.
તીરંદાજીમાં ભારતના ગણેશ મણિએ પુરુષોની વ્યક્તિગત કમ્પાઉન્ડ સ્પર્ધામાં કાંસ્ય પદક જીત્યો. કાંસ્ય પદકની મુકાબલામાં તેમણે વિયેતનામના કોન્ગ ડુક ડાન્ગને 149-144થી હરાવ્યો.
મહિલા સ્ક્વોશ ટીમને સેમીફાઇનલમાં હાર બાદ કાંસ્ય પદકથી સંતોષ માનવો પડ્યો. તન્વી ખન્ના, અનાહત સિંહ અને જોશના ચિનપ્પાની ટીમને હોંગકોંગ સામે હરી ગઇ. આ ભારતનો સ્ક્વોશમાં સતત બીજો કાંસ્ય પદક છે.
આ પરિણામો બાદ ભારત મેડલ ટેલીમાં આઠમા સ્થાને છે. ભારતે અત્યાર સુધી કુલ 63 પદક જીત્યા છે, જેમાં 10 સુવર્ણ, 22 રજત અને 31 કાંસ્ય પદકનો સમાવેશ થાય છે. આજે પહેલવાન નિતેશ ગોલ્ડ મેડલ માટે મેદાનમાં ઉતરશે.