પાકિસ્તાન ક્રિકેટ બોર્ડ (પીસીબી)ના વડા મોહસિન નકવીની ફરી એક વખત સોશિયલ મીડિયા પર મજાક ઉડાવવામાં આવી છે. આ વખતે આઇસલેન્ડ ક્રિકેટે તેમની ટીમ પસંદગીની રણનીતિ પર કટાક્ષ કરતી પોસ્ટ કરી છે.
આઇસલેન્ડ ક્રિકેટે સોશિયલ મીડિયા પ્લેટફોર્મ એક્સ (ટ્વિટર) પર લખ્યું કે, 'અમે દરિયાકાંઠાના વિસ્તારોના ક્રિકેટરો માટે એક નવો ક્રિકેટ પડકાર શરૂ કરવા જઈ રહ્યા છીએ. એક આઇસબર્ગ પાર કરો અને તમે મોહસિન નકવીને મળવા તથા પસંદગીની વ્યૂહરચના વિશે જાણવા માટે સંપૂર્ણ ખર્ચ સાથેની શૈક્ષણિક યાત્રા જીતી શકો છો. જો તમે ઇચ્છો તો આ યાત્રા વન-વે પણ હોઈ શકે છે.'
આ પોસ્ટમાં 'વન-વે' યાત્રાનો ઉલ્લેખ નકવીની પસંદગી નીતિ પર વ્યંગ કરવા માટે કરવામાં આવ્યો છે. આ સિવાય આઇસલેન્ડ ક્રિકેટે નકવીની ટીમ પસંદગીની વ્યૂહરચના પર સવાલ પણ ઉઠાવ્યા છે.
પાકિસ્તાન ક્રિકેટ ટીમનું પ્રદર્શન છેલ્લા કેટલાક સમયથી નબળું રહ્યું છે. ઇંગ્લેન્ડ સામે ટેસ્ટ શ્રેણી 2-0થી ગુમાવ્યા બાદ ટીમ અને બોર્ડ વડાની ખુલ્લેઆમ મજાક ઉડાવવામાં આવી રહી છે. આઇસલેન્ડ ક્રિકેટની આ ટિપ્પણીથી ફરી એક વખત પાકિસ્તાન ક્રિકેટ બોર્ડની આંતરરાષ્ટ્રીય સ્તરે ફજેતી થઈ છે.