આઈસીસી (ICC) એ વિમેન્સ ઇમર્જિંગ નેશન્સ ટ્રોફીનું શેડ્યૂલ જાહેર કર્યું છે. આ ટુર્નામેન્ટની બીજી આવૃત્તિ 12થી 25 નવેમ્બર સુધી સંયુક્ત આરબ અમીરાત (UAE)માં રમાશે.
આ વખતે ટુર્નામેન્ટમાં 8ને બદલે 10 ટીમ ભાગ લેશે. જેમાં 5 ICC ફુલ મેમ્બર દેશોની ટીમો પણ સામેલ છે. જોકે, ભારતીય ટીમ આ ટુર્નામેન્ટમાં ભાગ લેશે નહીં.
ટુર્નામેન્ટની મેચ અજમાન શહેરના બે સ્થળોએ રમાશે: કારવાન સ્પોર્ટ્સ અને સેવન ડિસ્ટ્રિક્ટ્સ મેદાન.
તમામ 10 ટીમને 5-5ના બે ગ્રુપમાં વહેંચવામાં આવી છે. ગ્રુપ સ્ટેજ પછી સુપર-6 રાઉન્ડ યોજાશે અને ત્યારબાદ ફાઇનલ મુકાબલો રમાશે.
ગ્રુપ A: આયર્લેન્ડ, પાપુઆ ન્યૂ ગિની (PNG), સ્કોટલેન્ડ, શ્રીલંકા અને UAE.
ગ્રુપ B: બાંગ્લાદેશ, નેધરલેન્ડ્સ, પાકિસ્તાન, થાઈલેન્ડ અને ઝિમ્બાબ્વે.
ટુર્નામેન્ટની પ્રથમ આવૃત્તિ 2025માં રમાઈ હતી, જેમાં યજમાન થાઈલેન્ડે ખિતાબ જીત્યો હતો. તેને વધુ સારા નેટ રન રેટના આધારે ચેમ્પિયન જાહેર કરવામાં આવ્યું હતું.
ICC મુજબ, આ ટુર્નામેન્ટ ઉભરતી ટીમોને આંતરરાષ્ટ્રીય સ્તરે નિયમિત સ્પર્ધાની તકો આપવાનું મહત્વ દર્શાવે છે.