તિરુવનંતપુરમમાં વેસ્ટ ઈન્ડિઝ સામે રમાયેલી પ્રથમ વન-ડે મેચમાં સદી ફટકારનાર ભારતીય બેટ્સમેન વિરાટ કોહલી ICCની તાજેતરની ODI રેન્કિંગમાં બીજા સ્થાને પહોંચ્યો છે. તેની 55મી વન-ડે સદીના જોરે તેને 796 રેટિંગ પોઈન્ટ્સ મળ્યા છે, જે જુલાઈ 2022 પછીનું તેનું સર્વોચ્ચ રેટિંગ છે. કોહલીએ ન્યૂઝીલેન્ડના ડેરિલ મિશેલને પાછળ છોડી દીધો છે.
ભારતીય કેપ્ટન શુભમન ગિલે 816 પોઈન્ટ સાથે નંબર-1 સ્થાન જાળવી રાખ્યું છે. તેણે વેસ્ટ ઈન્ડિઝ સામે 110 રનની ઇનિંગ રમી હતી. કોહલી હવે ગિલથી ઘણો દૂર નથી.
બોલિંગ રેન્કિંગમાં પણ ભારતીય ખેલાડીઓએ સારું પ્રદર્શન કર્યું છે. ચાઇનામેન સ્પિનર કુલદીપ યાદવ, જેણે પ્રથમ વન-ડેમાં 4 વિકેટ ઝડપી હતી, તે 4 સ્થાનની છલાંગ લગાવીને પાંચમા ક્રમે પહોંચ્યો છે. દક્ષિણ આફ્રિકાના ડાબોડી સ્પિનર કેશવ મહારાજ 3 સ્થાનના સુધારા સાથે ત્રીજા સ્થાને આવ્યો છે.