ભારતીય ઓટોમોબાઇલ બજારમાં ઇલેક્ટ્રિક વાહનોનું વેચાણ વધતું જાય છે અને તમામ કંપનીઓ પોતાના ઇલેક્ટ્રિક મોડલ પર ધ્યાન કેન્દ્રિત કરી રહી છે. આ ક્રમમાં હોન્ડા ભારતમાં પોતાની પહેલી ઓલ-ઇલેક્ટ્રિક કાર લોન્ચ કરવાની તૈયારીમાં છે. કંપનીએ આ કારને હોન્ડા અલ્ફા નામ આપ્યું છે.
હોન્ડા અલ્ફાનું ઇન્ટરનેશનલ શોકેસ 2 ડિસેમ્બરે યોજાવાનું છે. તે દિવસે કંપની કારનું ઇન્ટિરિયર, કેબિન ફીચર્સ અને ડ્રાઇવિંગ રેન્જ વિશે માહિતી આપશે. તે પછી કાર ભારતીય બજારમાં વેચાણ માટે લોન્ચ થશે.
કંપનીના જણાવ્યા અનુસાર હોન્ડા અલ્ફાની ડિઝાઇન નવી હશે, જે જાપાન મોટર શોમાં રજૂ થયેલા કોન્સેપ્ટ મોડલ પર આધારિત છે. આ કાર હોન્ડાની પરંપરાગત ગાડીઓ કરતાં અલગ દેખાવ ધરાવશે. કાર ભારતના ટપૂકડા પ્લાન્ટમાં બનશે અને ત્યાંથી દેશમાં વેચાણ ઉપરાંત બીજા દેશોમાં નિકાસ પણ થશે.
પાવર માટે હોન્ડા અલ્ફામાં સિંગલ મોટર કોન્ફિગરેશન સાથે બે બેટરી પેકનો વિકલ્પ મળશે — 65 kWh અને મોટું 75 kWh. મોટા બેટરી પેક સાથે કાર લાંબી ડ્રાઇવિંગ રેન્જ આપશે, જેથી વારંવાર ચાર્જ કરવાની જરૂર ઓછી પડશે.
બજારમાં હોન્ડા અલ્ફા ટાટા સિયેરા ઈવી અને મહિન્દ્રા BE6 સાથે સીધી ટક્કર લેશે. આ ઉપરાંત હજી લોન્ચ ન થયેલી હ્યુન્ડાઈ ક્રેટા ઈવી સાથે પણ તેની સ્પર્ધા રહેશે. ભારતીય ઇલેક્ટ્રિક બજારમાં પોતાની જગ્યા બનાવવા માટે કંપની આ કારમાં સારી ડ્રાઇવિંગ રેન્જ સાથે ઘણા હાઇ-ટેક ફીચર્સ આપવાની યોજના ધરાવે છે.
નોંધનીય છે કે હોન્ડાએ તાજેતરમાં જ એલિવેટનું નવું ફેસલિફ્ટ મોડલ બજારમાં ઉતાર્યું હતું. પરંતુ કંપની માટે ભારતમાં હોન્ડા અલ્ફા સૌથી મહત્વપૂર્ણ લોન્ચ ગણાય છે.