ગુજરાતમાં ડીસા અને ભુજમાં તાપમાન 40°Cને પાર પહોંચ્યું છે. હવામાન વિભાગના જણાવ્યા અનુસાર, આગામી ચાર દિવસ દરમિયાન રાજ્યમાં હવામાન સૂકું રહેવાની શક્યતા છે. આગામી સાત દિવસમાં મહત્તમ તાપમાનમાં નોંધપાત્ર ફેરફાર થવાની શક્યતા નથી.
રાજ્યમાં પવનની દિશા ઉત્તર-પશ્ચિમથી ઉત્તર તરફ રહેશે, જેના કારણે ગરમી અને સૂકું વાતાવરણ ચાલુ રહેશે. સૌરાષ્ટ્ર અને કચ્છના તમામ વિસ્તારોમાં પણ સૂકું વાતાવરણ જળવાઈ રહેશે.
જોકે, 19 ઓક્ટોબરના રોજ રાજ્યના કેટલાક વિસ્તારોમાં સામાન્યથી મધ્યમ વરસાદની શક્યતા છે. હવામાન વિભાગ દ્વારા આ અંગે માહિતી આપવામાં આવી છે.