સત્ય. સાહસ. સંકલ્પ.

GTA 6 લોન્ચ વચ્ચે PlayStation Networkમાં ખામી, યુઝર્સ પરેશાન

GTA 6 લોન્ચ વચ્ચે PlayStation Networkમાં ખામી, યુઝર્સ પરેશાન

13 વર્ષની રાહ પછી Grand Theft Auto 6 (GTA 6) આખરે લોન્ચ થઈ ગઈ છે. ભારતમાં આ ગેમ 19 નવેમ્બરે મધ્યરાત્રિએ 12 વાગ્યે ઉપલબ્ધ થઈ. આ જ સમયગાળામાં સોનીના ઓનલાઈન ગેમિંગ નેટવર્ક PlayStation Network (PSN)માં તકનીકી ખામીના અહેવાલ આવ્યા, જેના કારણે ઘણા પ્લેસ્ટેશન યુઝર્સને મુશ્કેલી પડી.

ગેમના લોન્ચ પહેલાં જ PSNમાં સમસ્યા દેખાવા લાગી હતી. ઘણા યુઝર્સને પોતાના એકાઉન્ટમાં લોગ ઇન કરવામાં અને ગેમ ડાઉનલોડ કરવામાં તકલીફ પડી.

આઉટેજ ટ્રેકિંગ વેબસાઇટ ડાઉનડિટેક્ટર મુજબ 18 નવેમ્બરે PlayStation Network સંબંધિત ફરિયાદોમાં અચાનક વધારો નોંધાયો. અમેરિકામાં મોટી સંખ્યામાં યુઝર્સે નેટવર્ક સમસ્યા અંગે જાણ કરી. એક સમયે ડાઉનડિટેક્ટર પર પ્લેસ્ટેશન સેવાઓ અંગે 1,228 ફરિયાદો નોંધાઈ હતી.

કેટલાક યુઝર્સનું કહેવું છે કે તેમનું ઇન્ટરનેટ કનેક્શન બરાબર કામ કરી રહ્યું છે, છતાં તેઓ પ્લેસ્ટેશન એકાઉન્ટમાં સાઇન ઇન કરી શકતા નહોતા અને ઑનલાઇન સેવાઓ સાથે જોડાઈ શકતા નહોતા. કેટલાક PS5 યુઝર્સે જણાવ્યું કે કન્સોલનું ઇન્ટરનેટ પરીક્ષણ પાસ થયા પછી પણ તેઓ ઑનલાઇન સેવાઓમાં લોગ ઇન કરી શકતા નહોતા.

આ આઉટેજ દરમિયાન પ્લેસ્ટેશનના સત્તાવાર નેટવર્ક સ્ટેટસ પેજ પર ચેતવણી દેખાઈ. તેમાં જણાવાયું હતું કે ગેમ, એપ્લિકેશન અને નેટવર્ક સુવિધાઓ શરૂ કરવામાં યુઝર્સને સમસ્યા આવી શકે છે. કંપનીએ ઝડપથી ઉકેલ લાવવાનું વચન આપ્યું હતું.

થોડા કલાકો પછી સ્થિતિ સુધરી અને ડાઉનડિટેક્ટર પરની ફરિયાદો ઘટવા લાગી. બાદમાં સ્ટેટસ પેજ પર સેવાઓ સામાન્ય રીતે ચાલુ હોવાનું દેખાયું.

બીજી તરફ, GTA 6 માટે ગેમર્સનો ઉત્સાહ દુનિયાભરમાં જોવા મળ્યો. ન્યૂઝીલેન્ડ એ પ્રથમ દેશોમાંનો એક હતો જ્યાં ગેમ ઉપલબ્ધ થઈ, ત્યાર પછી તે ઓસ્ટ્રેલિયા, જાપાન અને દક્ષિણ કોરિયા જેવા બજારોમાં પહોંચી. બ્રિટનમાં પણ મોટી સંખ્યામાં કર્મચારીઓએ ગેમ રમવા માટે રજા લીધી. આંકડા મુજબ લગભગ 70,000 કંપનીઓના 1.2 મિલિયનથી વધુ કર્મચારીઓએ રજા લીધી, જેમાંથી 4.6 ટકા લોકોએ GTA 6ને કારણ ગણાવ્યું.