કોમેડી કિંગ કપિલ શર્મા અને તેની ટીમ ધ ગ્રેટ ઈન્ડિયન કપિલ શોની પાંચમી સીઝન સાથે દર્શકોને હસાવવા પાછી ફરી છે. નેટફ્લિક્સ પર પ્રસારિત થતા આ શોની નવી સીઝનની જાહેરાત થઈ ચૂકી છે. ચાલો જાણીએ આ શોના સ્ટાર્સની સંપત્તિ કેટલી છે.
સૌ પ્રથમ વાત કપિલ શર્માની. આખો શો તેમના નામ પર ચાલે છે અને તેઓ હોસ્ટ છે. તેમણે માત્ર 500 રૂપિયાની પ્રથમ કમાણીથી કારકિર્દી શરૂ કરી હતી. એક રિપોર્ટ અનુસાર, તે ભારતના સૌથી વધુ પૈસાદાર કોમેડિયન છે અને તેમની સંપત્તિ અંદાજે 300 કરોડ રૂપિયા છે.
સુનીલ ગ્રોવર, જે ડો. ગુલાટીના પાત્રથી પ્રખ્યાત છે, તેમનું નામ આજે ઘરે-ઘરે જાણીતું છે. તેમની અભિનય ક્ષમતા ચાહકોને ખૂબ ગમે છે. તેઓ ફિલ્મો અને વેબ સીરિઝમાંથી કમાણી કરે છે. રિપોર્ટ મુજબ તેમની નેટવર્થ અંદાજે 21 કરોડ રૂપિયા છે.
ગોવિંદાના ભત્રીજા અને જાણીતા કોમેડિયન કૃષ્ણા અભિષેક પોતાની મિમિક્રી અને કોમેડી માટે જાણીતા છે. રિપોર્ટ મુજબ તેમની કુલ નેટવર્થ અંદાજે 50 કરોડ રૂપિયા છે. તેઓ ટીવી શો અને ફિલ્મોમાંથી કમાણી કરે છે.
આ યાદીમાં બચ્ચા યાદવ અને બંપર જેવા પાત્રો ભજવીને ચાહકોનું દિલ જીતનાર કીકુ શારદા પણ સામેલ છે. કપિલ શર્માના શોમાં તેઓ સતત જોવા મળે છે. રિપોર્ટ મુજબ તેમની નેટવર્થ અંદાજે 33 થી 40 કરોડ રૂપિયા વચ્ચે છે.
હવે વાત કરીએ જજ તરીકે જાણીતી અર્ચના પુરની. 100થી વધુ ફિલ્મો અને ટીવી શોમાં કામ કરી ચૂકેલી અર્ચના પુરે આ સીઝનમાં વાપસી કરી છે. તેઓ પોતાની યુટ્યુબ ચેનલ પણ ચલાવે છે. તેમની કુલ નેટવર્થ અંદાજે 235 કરોડ રૂપિયા છે.
ધ ગ્રેટ ઈન્ડિયન કપિલ શોની સીઝન 5માં અર્ચના પુર સાથે સિદ્ધ પાજી પણ જોવા મળશે. નવજોત સિંહ સિદ્ધુની કુલ નેટવર્થ અંદાજે 44 થી 45 કરોડ રૂપિયાની આસપાસ છે.