સોના-ચાંદીના ભાવમાં ભારે ઉતાર-ચઢાવ વચ્ચે રોકાણકારોની નજર હવે વર્ષ 2026ના બાકીના ત્રણ મહિના પર ટકેલી છે. બજારના નિષ્ણાતો માને છે કે, આ સમયગાળામાં સોનું અને ચાંદીમાં વધુ એક મોટો ઉછાળો જોવા મળી શકે છે. એવામાં સવાલ એ છે કે, વર્ષના અંત સુધીમાં આ બંને ધાતુઓ કયા સ્તરે પહોંચશે અને રોકાણકારો માટે કઈ ધાતુ વધુ ફાયદાકારક સાબિત થશે.
21 સપ્ટેમ્બરે મલ્ટી કોમોડિટી એક્સચેન્જ (MCX) પર સોના અને ચાંદીના વાયદા ભાવમાં નરમાઈ જોવા મળી હતી. MCX પર ઓક્ટોબર વાયદામાં સોનું ₹1,53,450 પ્રતિ 10 ગ્રામ પર આવી ગયું છે, જ્યારે ડિસેમ્બર વાયદામાં ચાંદી ₹2,39,800 પ્રતિ કિલોગ્રામ સુધી પહોંચી છે.
ઇન્ટેલિસિસ વેન્ચર્સના સંસ્થાપક અને સેબી રજિસ્ટર્ડ માર્કેટ એન્ડ કોમોડિટી એક્સપર્ટના જણાવ્યા અનુસાર, વર્ષના અંત સુધીમાં સોનાનો ભાવ ₹1.75 લાખથી ₹1.80 લાખ પ્રતિ 10 ગ્રામ સુધી પહોંચી શકે છે. તેમણે શોર્ટ ટર્મમાં ₹1,56,000થી ₹1,58,000ના સ્તરને મહત્વપૂર્ણ ગણાવ્યું છે. તેમના મતે, જો સોનાનો ભાવ ₹1,49,600ની નીચે જાય તો બજારમાં મંદી આવી શકે છે.
સોનાની સાથે જ નિષ્ણાતે ચાંદી માટે પણ નવો ટાર્ગેટ જાહેર કર્યો છે. તેમણે કહ્યું કે, વર્ષના અંત સુધીમાં ચાંદીનો ભાવ ₹3 લાખથી ₹3.20 લાખ પ્રતિ કિલોગ્રામ સુધી પહોંચી શકે છે. જોકે, તેમણે રોકાણકારોને વર્તમાન તેજી વચ્ચે ઉતાવળમાં ખરીદી કરવાની સલાહ આપી છે.
નિષ્ણાતના જણાવ્યા મુજબ, ફિઝિકલ સોના અને ચાંદીના ખરીદ-વેચાણના ભાવમાં તફાવત હોવાના કારણે રોકાણકારોએ નુકસાન વેઠવું પડી શકે છે. ફિઝિકલ સોનું વેચતી વખતે ₹500થી ₹700 અને ચાંદીમાં ₹2,000થી ₹3,000 સુધીનું ડિસ્કાઉન્ટ વેઠવું પડી શકે છે. તેથી રોકાણકારોએ બજારમાં કોઈ મોટા કરેક્શનની રાહ જોવી જોઈએ.
નોંધ: અહીં આપવામાં આવેલી માહિતી ફક્ત જાણકારી માટે છે. આ કોઈપણ રોકાણની સલાહ નથી. બજારમાં રોકાણ સંભવિત જોખમ સાથે સંકળાયેલું છે. રોકાણ કરતા પહેલા તમારા નાણાંકીય સલાહકારની સલાહ જરૂરથી લો.