ઉત્તર પ્રદેશના ગાઝિયાબાદમાં સોમવારે એક નિર્માણાધીન મકાનનો સ્લેબ ધરાશાયી થયો. આ ઘટના સાહિબાબાદ પોલીસ સ્ટેશન વિસ્તારના શહીદ નગરમાં બની. સ્લેબ પડતાં જ આસપાસના વિસ્તારમાં નાસભાગ મચી ગઈ અને લોકોની ભીડ એકત્ર થઈ ગઈ.
કાટમાળ નીચે દબાયેલા 10 લોકોને બહાર કાઢી લેવામાં આવ્યા છે. તેમાંથી 4 લોકોની હાલત ગંભીર હોવાનું જાણવા મળે છે. કાટમાળ નીચે બીજું કોઈ દબાયું ન રહે તે માટે NDRFની ટીમ સતત બચાવ કાર્ય કરી રહી છે.
મકાનનો સ્લેબ કયા કારણસર તૂટી પડ્યો તે અંગેની ચોક્કસ વિગતો હજુ સામે આવી નથી. હાલ વહીવટી તંત્ર અને બચાવ ટીમોનું ધ્યાન કાટમાળ હટાવવા અને લોકોને બચાવવા પર છે. રાહત કાર્ય પૂરું થયા બાદ પોલીસ દ્વારા ઘટના અંગે વિગતવાર માહિતી જાહેર કરવામાં આવશે.