ફ્લાયદુબઈની ફ્લાઇટ પર હવામાં થયેલા ગંભીર હુમલા બાદ, ઇઝરાયેલના વડાપ્રધાન બેન્જામિન નેતન્યાહુએ ભારતીય પાયલટ કેપ્ટન સ્મિત મચ્છર સાથે ફોન પર વાતચીત કરી હતી. આ વાતચીત શનિવારે રાત્રે (3 ઓક્ટોબર) થઈ હતી.
વાતચીત દરમિયાન નેતન્યાહુએ સંકટના સમયે કેપ્ટન મચ્છરની હિંમત અને સૂઝબૂઝની પ્રશંસા કરી હતી. તેમણે કેપ્ટન મચ્છર અને વડાપ્રધાન નરેન્દ્ર મોદી બંનેને ઇઝરાયેલના આગામી સ્વતંત્રતા દિવસની ઉજવણીમાં હાજરી આપવા માટે વીડિયો મેસેજ દ્વારા સત્તાવાર આમંત્રણ આપ્યું હતું.
કેપ્ટન મચ્છરે જણાવ્યું હતું કે હુમલા પહેલાં સહ-પાયલટે પ્રાર્થના કરવાની ઈચ્છા વ્યક્ત કરી હતી. તેમની આ ઈચ્છાને માન આપતાં તેમણે પોતાનું માથું બીજી તરફ ફેરવ્યું હતું. થોડી મિનિટો પછી તેમને માથાના પાછલા ભાગમાં જોરદાર ફટકો અનુભવાયો અને ત્યારબાદ સતત હુમલા થયા.
નેતન્યાહુએ કેપ્ટન મચ્છરની હિંમત અને મુશ્કેલ પરિસ્થિતિમાં પણ સંયમ જાળવવાની ક્ષમતાની પ્રશંસા કરી. તેમણે કહ્યું, “તમે ઘણા લોકોના જીવ બચાવ્યા… તમે વિશ્વની આત્માને બચાવી છે.”
નેતન્યાહુએ ઉમેર્યું, “હું તમને (સ્મિત) અને મારા પ્રિય મિત્ર, વડાપ્રધાન નરેન્દ્ર મોદીને અમારા આગામી સ્વતંત્રતા દિવસની ઉજવણીમાં વિધિવત મશાલ પ્રગટાવવા માટે આમંત્રિત કરવા માંગુ છું. સ્મિત, તમે ભારત અને ઇઝરાયેલના બહાદુર લોકો માટે સાચા હીરો છો. તમે સમગ્ર વિશ્વ માટે હીરો છો. હું તમારા ઝડપી અને સંપૂર્ણ સ્વસ્થ થવાની કામના કરું છું.”