દિવાળી અને દશેરા પર ટ્રેનોમાં થતી ભીડને ધ્યાનમાં રાખીને ભારતીય રેલવે 102 ફેસ્ટિવલ સ્પેશિયલ ટ્રેનો ચલાવશે. આ ટ્રેનો માટે ટિકિટ બુકિંગ શરૂ થઈ ગયું છે. સ્પેશિયલ ટ્રેનોમાં મુસાફરી માટે સ્પેશિયલ ચાર્જ ચૂકવવો પડશે.
10 ઑક્ટોબરથી 24 નવેમ્બર વચ્ચે દોડનારી આ ટ્રેનો મુંબઈ, ચેન્નાઈ, લાતૂર, કોલ્હાપુર અને કલબુર્ગી જેવા શહેરો વચ્ચે કનેક્ટિવિટી વધારશે.
ટિકિટ IRCTCની એપ અને સત્તાવાર વેબસાઇટ (irctc.co.in), રેલવેના રિઝર્વેશન સેન્ટર અને RailOne એપ દ્વારા બુક કરી શકાય છે.
મુંબઈ-ચેન્નાઈ વીકલી સ્પેશિયલ
છત્રપતિ શિવાજી મહારાજ ટર્મિનસ (CSMT) મુંબઈથી ચેન્નાઈ વચ્ચે સાપ્તાહિક વિશેષ ટ્રેન દોડશે. આ ટ્રેન 15 ઑક્ટોબરથી 19 નવેમ્બર વચ્ચે બંને દિશામાં 6-6 ફેરા કરશે.
ચેન્નાઈ બીચથી CSMT મુંબઈ વિશેષ ટ્રેન દર ગુરુવારે સવારે 4 વાગ્યે રવાના થશે અને બીજા દિવસે સવારે 4 વાગ્યે મુંબઈ પહોંચશે.
મુખ્ય સ્ટોપેજ: દાદર, થાણે, પુણે, સોલાપુર, કલબુર્ગી, ગુન્ટકલ, રેણિગુન્ટા અને પેરંબુર.
CSMT મુંબઈ-લાતૂર
આ ટ્રેન મુંબઈ અને લાતૂર વચ્ચે અઠવાડિયામાં બે દિવસ દોડશે. તે 13 ઑક્ટોબરથી 24 નવેમ્બર વચ્ચે બંને દિશામાં 13-13 ફેરા પૂર્ણ કરશે.
CSMT મુંબઈ-લાતૂર વિશેષ ટ્રેન દર મંગળવાર અને ગુરુવારે રાત્રે 12:35 વાગ્યે મુંબઈથી રવાના થશે અને તે જ દિવસે સવારે 11:40 વાગ્યે લાતૂર પહોંચશે.
પરત ફરતી વખતે લાતૂર-CSMT મુંબઈ વિશેષ ટ્રેન એ જ દિવસોમાં સાંજે 16:30 વાગ્યે રવાના થઈને બીજા દિવસે સવારે 4:10 વાગ્યે મુંબઈ પહોંચશે.
મુખ્ય સ્ટોપેજ: કલ્યાણ, લોનાવલા, પુણે, દૌંડ, કુર્ડૂવાડી અને ધારાશિવ.
કોલ્હાપુર-કલબુર્ગી સ્પેશિયલ
આ ટ્રેન કોલ્હાપુર અને કલબુર્ગી વચ્ચે શુક્રવાર સિવાય અઠવાડિયામાં 6 દિવસ દોડશે. આ ટ્રેન બંને દિશામાં 32-32 ફેરા કરશે.
કોલ્હાપુર-કલબુર્ગી સ્પેશિયલ 10 ઑક્ટોબરથી 15 નવેમ્બર સુધી સવારે 06:10 વાગ્યે કોલ્હાપુરથી રવાના થઈને સાંજે 16:10 વાગ્યે કલબુર્ગી પહોંચશે.
પરત ફરતી વખતે આ ટ્રેન કલબુર્ગીથી સાંજે 18:10 વાગ્યે ઉપડીને બીજા દિવસે સવારે 05:40 વાગ્યે કોલ્હાપુર પહોંચશે.
મુખ્ય સ્ટોપેજ: મિરજ જંકશન, સાંગોલા, પંઢરપુર, કુર્ડૂવાડી અને સોલાપુર.