ભારતના ચૂંટણી પંચે એક મહત્વપૂર્ણ આદેશ જારી કર્યો છે. જે રાજ્યોમાં મતદાર યાદીની ખાસ સમીક્ષા (SIR) ચાલી રહી છે, ત્યાં ડ્રાફ્ટ મતદાર યાદીમાંથી નામ કાઢી નાખવામાં આવેલા મતદારોને શોધવા માટે ખાસ અભિયાન શરૂ કરવામાં આવશે. આ નિર્ણય દિલ્હી, હરિયાણા, મહારાષ્ટ્ર, નાગાલેન્ડ, આંધ્રપ્રદેશ, તેલંગણા અને ઝારખંડ રાજ્યો માટે લેવામાં આવ્યો છે.
આ અભિયાન હેઠળ બૂથ લેવલ ઓફિસર (BLO) એવા મતદારોના ઘરે મુલાકાત લેશે જેમના નામ યાદીમાંથી કાઢી નાખવામાં આવ્યા છે. તેઓ ચકાસશે કે તે મતદારો ખરેખર તે જ સરનાવા પર રહે છે કે નહીં.
ચૂંટણી પંચે એ પણ જણાવ્યું છે કે જે મતદારોના નામ રદ કરવામાં આવ્યા છે તેમની યાદી સંબંધિત મતદાન મથકો પર પ્રદર્શિત કરવામાં આવશે, જેથી મતદારો પોતાના નામ ચકાસી શકે અને ફરીથી ઉમેરી શકે. આ માટે પંચે એક ફોર્મ પણ જાહેર કર્યું છે.
પંચના જણાવ્યા અનુસાર, આ છૂટ એ મતદારોને આપવામાં આવશે જેમને ગણતરી ફોર્મ જાહેર કરવામાં આવ્યા હતા, પરંતુ ચકાસણી પ્રક્રિયા દરમિયાન તેમને ગેરહાજર, સ્થાનાંતરિત, મૃતક અથવા ડુપ્લિકેટ (ASDD) તરીકે વર્ગીકૃત કરીને ડ્રાફ્ટ યાદીમાંથી બાકાત રાખવામાં આવ્યા હતા. આવા મતદારોને અંતિમ મતદાર યાદીમાં પોતાનું નામ નોંધાવવાની એક વધુ તક મળશે.