દિલ્હી યુનિવર્સિટી વિદ્યાર્થી સંઘ (DUSU)ની ચૂંટણી 2026ના પરિણામો જાહેર થયા છે. આ ચૂંટણીમાં અખિલ ભારતીય વિદ્યાર્થી પરિષદ (ABVP)એ પ્રમુખ, સચિવ અને સંયુક્ત સચિવ – એમ ત્રણ પદો પર વિજય મેળવ્યો છે. જ્યારે ઉપપ્રમુખ પદ પર અપક્ષ ઉમેદવાર દીપાંશુ શૌકીએ જીત નોંધાવી છે.
આ ચૂંટણીમાં ABVP અને NSUI વચ્ચે કડક ટક્કર જોવા મળી હતી. અપક્ષ ઉમેદવારો અને સમાજવાદી પાર્ટીના વિદ્યાર્થી સંગઠનના ઉમેદવારોએ પણ ચૂંટણીમાં સારી છાપ ઊભી કરી હતી.
પ્રમુખ પદે ABVPના યશ ડબાસ, સચિવ પદે રિયા છાબરી અને સંયુક્ત સચિવ પદે લક્ષ્યરાજ ચૌધરીએ જીત મેળવી છે. ઉપપ્રમુખ પદે અપક્ષ દીપાંશુ શૌકી વિજયી થયા છે.
ગત વર્ષે પણ ABVPએ 4માંથી 3 પદો પર જીત મેળવી હતી. આ વખતે પણ તેણે એ જ પ્રદર્શન જાળવી રાખ્યું છે. સંયુક્ત સચિવ લક્ષ્યરાજ ચૌધરીએ જણાવ્યું કે, "વિદ્યાર્થીઓએ અમને સાથ આપ્યો છે. ગયા વર્ષે પણ અમે 3-1થી જીત્યા હતા, અને આ વર્ષે પણ 3-1થી જીત્યા છીએ."
આ ચૂંટણી પરિણામો દિલ્હી યુનિવર્સિટીના વિદ્યાર્થી રાજકારણમાં ABVPની મજબૂત સ્થિતિ દર્શાવે છે, જ્યારે અપક્સ ઉમેદવારની ઉપપ્રમુખ પદે જીત સ્વતંત્ર ઉમેદવારોની ક્ષમતા પણ દર્શાવે છે.