શેર બજારમાં આજે દિવાળીના અવસરે મુહૂર્ત ટ્રેડિંગ યોજાશે. રવિવારની રજા હોવા છતાં આ વિશેષ ટ્રેડિંગ સેશન એક કલાકનું રહેશે. બપોરે 2:20 વાગ્યાથી 3:20 વાગ્યા સુધી ટ્રેડિંગ થશે.
ભારતીય બજારમાં મુહૂર્ત ટ્રેડિંગ પરંપરાગત રીતે દિવાળીની સાંજે લક્ષ્મી પૂજન દરમિયાન થતું હતું. જોકે, વેપારીઓ અને રોકાણકારોની વિનંતીને પગલે ગયા વર્ષથી સમયમાં ફેરફાર કરવામાં આવ્યો છે. ગયા વર્ષે મુહૂર્ત ટ્રેડિંગ બપોરે 1:45થી 2:45 વાગ્યા સુધી યોજાયું હતું.
મુહૂર્ત ટ્રેડિંગમાં છેલ્લા પાંચ વર્ષ દરમિયાન તેજીનું વલણ રહ્યું છે, જે 1%ની અંદર જ રહ્યું છે. 2022માં મુહૂર્ત ટ્રેડિંગ દરમિયાન બજારમાં સૌથી વધુ 0.87%નો ઉછાળો જોવા મળ્યો હતો.
મુહૂર્ત ટ્રેડિંગ પછીના દિવસે સોમવાર, 9 નવેમ્બરે બજાર ખુલશે, પરંતુ મંગળવાર, 10 નવેમ્બરે દિવાળી-બલિપ્રતિપદાના કારણે BSE અને NSEમાં કારોબાર થશે નહીં.
ડિસ્ક્લેમર: આ લેખ માત્ર માહિતી અને શિક્ષણના હેતુ માટે છે. ઉપર આપેલા મંતવ્યો અને સલાહ વ્યક્તિગત વિશ્લેષકો અથવા બ્રોકિંગ કંપનીઓના છે, ભાસ્કરના નથી. અમે રોકાણકારોને સલાહ આપીએ છીએ કે કોઈપણ રોકાણનો નિર્ણય લેતા પહેલાં પ્રમાણિત નિષ્ણાતોની સલાહ ચોક્કસ લેવી.