સત્ય. સાહસ. સંકલ્પ.

MS ધોનીને મુંબઈ ઈન્ડિયન્સ અને RCB કેમ ખરીદી શક્યા નહીં? જાણો 2008ની હરાજીની કહાની

MS ધોનીને મુંબઈ ઈન્ડિયન્સ અને RCB કેમ ખરીદી શક્યા નહીં? જાણો 2008ની હરાજીની કહાની

ભારતીય ક્રિકેટના સૌથી સફળ કેપ્ટન મહેન્દ્ર સિંહ ધોનીએ IPLમાંથી નિવૃત્તિ લઈ લીધી છે. 45 વર્ષની ઉંમરે તેમણે આંતરરાષ્ટ્રીય અને ફ્રેન્ચાઇઝી ક્રિકેટમાંથી અંતિમ વિદાય લીધી. ધોનીની IPL કારકિર્દી ચેન્નાઈ સુપર કિંગ્સ સાથે જોડાયેલી રહી, પરંતુ શું તમે જાણો છો કે 2008ની પ્રથમ હરાજીમાં મુંબઈ ઈન્ડિયન્સ અને રોયલ ચેલેન્જર્સ બેંગલુરુ (RCB) પણ ધોનીને ખરીદવા માંગતા હતા? બંને ટીમોએ બોલી લગાવી હતી, પણ આખરે ચેન્નાઈએ બાજી મારી લીધી. ચાલો જાણીએ કે MI અને RCB ધોનીને કેમ ખરીદી શક્યા નહીં.

મુંબઈ ઈન્ડિયન્સની મર્યાદા: મુંબઈ ઈન્ડિયન્સે સચિન તેંડુલકરને 1.65 મિલિયન ડોલરમાં પોતાનો આઇકોન ખેલાડી બનાવ્યો હતો. જો ધોની પર 1.5 મિલિયન ડોલર ખર્ચ્યા હોત, તો ટીમના 60% બજેટનો ઉપયોગ ફક્ત બે ખેલાડીઓ પર થઈ જતો. બાકીના 22 ખેલાડીઓ માટે માત્ર 1.5 મિલિયન ડોલર બચ્યા હોત, જે ટીમના સંતુલન માટે પૂરતા ન હોત. આથી મુંબઈએ ધોની માટેની બોલીમાંથી પાછા હટવું પડ્યું.

RCBનો ડર: RCB પણ ધોનીને ખરીદવા માંગતું હતું, પરંતુ તેમના તત્કાલીન CEO ચારુ શર્માના જણાવ્યા મુજબ, ટીમને ડર હતો કે એક ખેલાડી પર બધા પૈસા ખર્ચવાથી ટીમનું સંતુલન બગડશે. તેથી RCBએ ધોની માટેની રેસમાંથી નામ પાછું ખેંચી લીધું.

ચેન્નાઈનો દાવ: તે સમયે ચેન્નાઈ સુપર કિંગ્સ પાસે સચિન, ગાંગુલી કે દ્રવિડ જેવો કોઈ આઇકોન ખેલાડી નહોતો. તેથી ટીમે વ્યૂહરચના બનાવીને ધોની પર બધું જોખમ લેવાનું નક્કી કર્યું અને તેમને રૂ. 6.03 કરોડની રેકોર્ડ કિંમતે ખરીદ્યા.

ધોનીની સફળતા: ધોનીને ખરીદવો અને કેપ્ટન બનાવવો એ ચેન્નાઈ માટે માસ્ટરસ્ટ્રોક સાબિત થયો. તેમના નેતૃત્વમાં CSKએ 2010, 2011, 2018, 2021 અને 2023માં પાંચ IPL ખિતાબ જીત્યા. ધોની ટાઇટલ ડિફેન્ડ કરનાર પ્રથમ કેપ્ટન બન્યો. તેમના નેતૃત્વમાં ચેન્નાઈ 10 વખત ફાઇનલમાં પહોંચ્યું, જે એક રેકોર્ડ છે. કેપ્ટન, બેટ્સમેન અને વિકેટકીપર તરીકે ધોનીનું યોગદાન અમૂલ્ય રહ્યું છે.