નમસ્તે, આજના મોર્નિંગ ન્યૂઝ બ્રીફમાં આપણે જાણીશું ગઈકાલના મોટા સમાચારો વિશે. દિલ્હીના સત્ય નિકેતન વિસ્તારમાં રવિવારે 5 માળની બોયઝ હોસ્ટેલ ધસી પડી, જેમાં 5 લોકોના મોત થયા છે. આ ઘટનામાં 5 લોકો ગંભીર રીતે ઘાયલ થયા છે. પ્રત્યક્ષદર્શીઓના જણાવ્યા મુજબ, દુર્ઘટના સમયે વિદ્યાર્થીઓ રૂમમાં હતા અને બેઝમેન્ટમાં ખોદકામ ચાલી રહ્યું હતું. આ ઇમારત 40-50 વર્ષ જૂની હોવાનું કહેવાય છે.
મધ્યપ્રદેશના સાગરમાં ઝેરી દારૂ પીવાથી 11 લોકોના મોત થયા છે, જ્યારે 35 લોકોને હોસ્પિટલમાં દાખલ કરવામાં આવ્યા છે. ડોક્ટરોના જણાવ્યા મુજબ, દર્દીઓના શરીર વાદળી પડી ગયા હતા. જિલ્લા કલેક્ટરે લોકોને સ્ક્રિનિંગ કરાવવાની અપીલ કરી છે.
અમેરિકી નાણામંત્રી સ્કોટ બેસેન્ટે કેનેડાની સરખામણી 'ભસતા નાના કૂતરા' સાથે કરી છે. તેમણે કેનેડિયન વડાપ્રધાન માર્ક કાર્ની પર શ્રેષ્ઠ વેપાર કરારને ઠુકરાવવાનો આરોપ લગાવ્યો છે.